Visit:
టొరంటో: ఎండైనా, వానైనా మీరు ఎక్కడికి వెళ్లినా మీ వెంటే మీ గొడుగు కూడా వస్తుంది. అది మీకు రక్షణగా నిలుస్తుంది. అదీ కూడా మీరు చేతితో పట్టుకోవాల్సిన అవసరం లేకుండా అంటే.. నిజమా అని ఆశ్చర్యం కలుగుతుంది కదా.. కెనడాకు చెందిన ఇంజనీర్ జాన్ ట్సే ఎగిరే గొడుగును కనిపెట్టి పలువురి ప్రశంసలు అందుకున్నాడు. ఈ గొడుగు తయారీలో డ్రోన్ సాంకేతికతను వినియోగించాడు. గాలిలో ఎగిరేందుకు ఈ గొడుగుకు నాలుగు ప్రొఫెల్లర్లను అమర్చాడు.
దీనిని సాధారణ గొడుగులాగే మడిచి మనతో తీసుకుపోవచ్చు. టైమ్-ఆఫ్-ఫ్లైట్ డెప్త్ కెమెరాను ఇందులో అమర్చడం వల్ల అది మనం నడిచే స్థితిని గమనించి తన పొజిషన్ను సరిచేసుకుంటుంది. కార్బన్-ఫైబర్ నైలాన్, 3డీ ప్రింటింగ్తో వీటి విడిభాగాలను తయారు చేశాడు. తొలుత ఇందులోని విడిభాగాలు తరచూ పగిలిపోతుండేవని, ఏడాది పాటు పలుసార్లు దీనిపై ప్రయోగాలు చేసి చివరకు ఎగిరే గొడుగును లోప రహితంగా తయారు చేసినట్టు ఈ ఇంజినీర్ తెలిపాడు.
