చరిత్రలో ఈరోజు : స్పేస్‌ సూట్‌ ధరించకుండా అంతరిక్షంలోకి వ్యోమగాములు

Today History : అంతరిక్షం పరిశోధనల్లో పైచేయి సాధించేందుకు సోవియట్‌ యూనియన్‌ మొదటి నుంచి ప్రయత్నిస్తున్నది. దీనిలో భాగంగా తొలిసారి 1964 లో సరిగ్గా ఇదే రోజున...

October 12, 2021 / 12:45 PM IST

చరిత్రలో ఈరోజు : స్పేస్‌ సూట్‌ ధరించకుండా అంతరిక్షంలోకి వ్యోమగాములు

(Today History) అంతరిక్షం పరిశోధనల్లో పైచేయి సాధించేందుకు సోవియట్‌ యూనియన్‌ మొదటి నుంచి ప్రయత్నిస్తున్నది. దీనిలో భాగంగా తొలిసారి 1964 లో సరిగ్గా ఇదే రోజున స్పేస్‌ సూట్‌ ధరించకుండా ముగ్గురు వ్యోమగాములను అంతరిక్షంలోకి పంపి సోవియట్‌ యూనియన్‌ చరిత్ర సృష్టించింది. వోస్కోడ్‌-1 ప్రయోగం ఎన్నో రికార్డులను కూడా సొంతం చేసుకున్నది.

అంతరిక్ష పరిశోధనల్లో అమెరికా-సోవియట్ యూనియన్ మధ్య రేసులో సోవియట్ యూనియన్ కొత్త రికార్డు సృష్టించింది. వోస్కోడ్-1 ను సోవియట్ యూనియన్ ప్రయోగించి.. మొదటిసారిగా వ్యోమగాములు స్పేస్ సూట్ ధరించకుండా అంతరిక్షంలోకి పంపింది. నిజానికి, వోస్టాక్‌ అంతరిక్ష నౌక ద్వారా యూరీ గగారిన్‌ను అంతరిక్షంలోకి పంపి పోటీకి సోవియట్ యూనియన్ తెర లేపింది. వోస్కోడ్ -1 పైలట్‌గా వ్లాదిమిర్ కొమరోవ్ వ్యవహరించగా.. ఆయనతో పాటు శాస్త్రవేత్త కాన్స్టాంటిన్ ఫియోక్టిస్టోవ్, వైద్యుడు బోరిస్ యెగోరోవ్ ఉన్నారు. ఈ నౌక అంతరిక్ష ప్రయాణంలో అనేక రికార్డులు సృష్టించింది. ప్రపంచంలోనే మొట్టమొదటి అంతరిక్ష నౌక. వ్యోమగాములు ఎలాంటి స్పేస్ సూట్ లేకుండా అంతరిక్షంలోకి వెళ్లారు. ప్రపంచంలోనే ఎక్కువ మందిని తీసుకెళ్లిన తొలి అంతరిక్ష నౌక. శాస్త్రవేత్త, వైద్యుడు అంతరిక్ష యాత్రకు వెళ్లడం వంటి రికార్డులను సొంతం చేసుకున్నది.

ఏదేమైనా, అంతరిక్ష రంగంలో సాధించిన ఈ ఘనతను క్లెయిం చేయడంలో.. సోవియట్ యూనియన్ వ్యోమగాముల భద్రతను మరిచిపోయిందని ఆరోపణలు వినవచ్చాయి. వాస్తవానికి, అమెరికా జెమిని-2 అంతరిక్ష యాత్రకు ముందు వోస్కోడ్ -1 ప్రయోగించాలని సోవియట్ యూనియన్ కోరుకున్నట్లుగా కొన్ని నివేదికల ద్వారా తెలుస్తున్నది.