యాంటీ 5జీ నెక్లెసుల్లో రేడియోధార్మికత!

ఆమ్‌స్టర్‌డామ్‌: 5జీ మొబైల్‌ నెట్‌వర్క్‌ నుంచి విడుదలయ్యే రేడియో ఫ్రీక్వెన్సీల నుంచి రక్షణ కోసం ప్రజలు ధరించే నెక్లెస్‌లు, బ్రాస్‌లెట్లు, ఇతర వస్తువుల విషయంలో జాగ్రత్తగా ఉండాలని శాస్త్రవేత్తలు హెచ్చరిస్తున్నారు. అవి ఇంకా ప్రమాదకరమైనవని, వాటిల్లో ఉండే రేడియో ధార్మికత హానికరమైనదని డచ్‌ అణు శాస్త్రవేత్తలు పేర్కొన్నారు. 5జీ నెట్‌వర్క్‌లు ఆరోగ్యానికి హానికరమనే దానికి ఎలాంటి ఆధారాలు లేవని వివరించారు. 5జీ మొబైల్‌ నెట్‌వర్క్‌ సురక్షితమేనని పలు ప్రపంచ ఆరోగ్య సంస్థలు చెబుతున్నాయి.