Visit:
Airlines Fire | అమెరికాలోని డెన్వర్ విమానాశ్రయంలో తృటిలో పెను ప్రమాదం తప్పింది. మియామాకి వెళ్తున్న అమెరికన్‌ ఎయిర్‌లైన్స్‌ విమానం AA-3023 ల్యాండింగ్ గేర్‌లో మంటలు చెలరేగాయి. ఈ ఘటనతో ఒక్కసారిగా భయాందోళనలు వ్యక్తమయ్యాయి. ప్రయాణికులు తమ ప్రాణాలు కాపాడుకునేందుకు రన్‌పై పరుగులు తీశారు. ఇందుకు సంబంధించిన వీడియో సోషల్ మీడియాలో వైరల్‌గా మారింది. మంటలు వ్యాపించిన సమయంలో విమానంలో 173 మంది ప్రయాణికులు, ఆరుగురు సిబ్బంది ఉన్నారు. బోయింగ్‌ 737 మాక్స్‌ 8 విమానం టేకాప్‌కు సిద్ధమవుతున్న సమయంలో (స్థానిక సమయం) మధ్యాహ్నం 2.45 గంటల సమయంలో ప్రమాదం జరిగింది. ల్యాండింగ్ గేర్‌లో సాంకేతిక లోపం కారణంగా ఒక్కసారిగా మంటలు వచ్చాయి. త తర్వాత కొద్దిక్షణాల్లోనే మంటలు చెలరేగాయి. డెన్వర్ విమానాశ్రయ పరిపాలన వెంటనే అగ్నిమాపక శాఖను వెంటనే అప్రమత్తం చేసింది. దాంతో ఫైర్‌స్టాఫ్‌ వెంటనే విమానం వద్దకు చేరుకొని మంటలను ఆర్పి వేసింది. సోషల్ మీడియాలో వైరల్ అవుతున్న వీడియోలో ప్రయాణికులు భయంతో అత్యవసర స్లయిడ్‌పైకి జారుతూ విమానం నుంచి బయటకు రావడం కనిపించింది.
ఈ సమయంలో విమానం ల్యాండింగ్ గేర్‌ వద్ద మంటలు, పొగలు రావడం కనిపించింది. పలువురు ప్రయాణికులు ఒక చేత్తో తమ పిల్లలు.. మరోచేత్తో తమ లగేజీతో స్లయిడ్‌పై నుంచి జారుతూ కిందకు వచ్చారు. ఈ ఘటనపై డెన్వర్ విమానాశ్రయం, అమెరికన్‌ ఎయిర్‌లైన్స్‌ ప్రకటన విడుదల చేశాయి. ఈ ఘటనలో కేవలం ఒక వ్యక్తికి మాత్రమే గాయాలయ్యాయి. సదరు వ్యక్తికి మొదట ప్రథమ చికిత్స చేసి ఆ తర్వాత ఆసుపత్రికి తరలించారు. ప్రయాణికులను అందరినీ బస్‌లో టెర్మినల్‌కు తరలించారు. విమానం టైర్‌కు సంబంధించిన నిర్వహణ విషయంలో ఇప్పటికీ హెచ్చరికలు చేసినట్లుగా ఎయిర్‌లైన్స్‌ పేర్కొంది. ఈ ఘటన తర్వాత సర్వీస్‌ నుంచి తొలగించి, దర్యాప్తు ప్రారంభించినట్లు పేర్కొంది. ఈ సందర్భంగా విమానయాన సంస్థ ప్రయాణికులకు క్షమాపణ చెప్పింది. సిబ్బంది వేగంగా స్పందించినందుకు ప్రశంసించింది. ఎఫ్‌ఏఏ సైతం మొత్తం ఘటనపై దర్యాప్తు ప్రారంభించింది. అగ్ని ప్రమాదం నేపథ్యంలో విమానాశ్రయంలోని రన్‌వేపై కొద్దిసేపు రాకపోకలకు అంతరాయం కలిగింది. విమానాన్ని రన్‌ వే నుంచి తొలగించిన తర్వాత మళ్లీ రాకపోకలు మొదలయ్యాయి.
🚨#BREAKING: Watch as People evacuate from a American Airlines jet after a left main wheels caught fire
Watch as passengers and crew evacuate American Airlines Flight 3023, a Boeing 737 MAX 8, at Denver International Airport. The Miami-bound jet was forced… pic.twitter.com/RmUrXYj5Jp
— R A W S A L E R T S (@rawsalerts) July 26, 2025
