కాలిఫోర్నియా: అమెరికాను మంచు తుఫాను వణికిస్తున్నది. కాలిఫోర్నియా సహా పలు ప్రాంతాలు తుఫాను గుప్పిట్లో చిక్కుకున్నాయి. లక్షలాది ఇళ్లకు విద్యుత్తు సరఫరా నిలిచిపోయింది. వేలాది విమాన సర్వీసులను రద్దు చేశారు. పలు చోట్ల రెండు అడుగుల మేర మంచు పేరుకుపోయింది. పశ్చిమ తీరం నుంచి గ్రేట్ లేక్స్ వరకు మంచు తుఫాను ప్రభావం కన్పించింది.
సాధారణంగా 40 డిగ్రీల సెల్సియస్తో వెచ్చగా ఉండే లాస్ఏంజిల్స్లోని పలు ప్రాంతాలకు సైతం హిమపాత హెచ్చరికలు జారీ అయ్యాయి. శనివారం వరకు అప్రమత్తంగా ఉండాలని లాస్ఏంజిల్స్ పర్వత శ్రేణులు, వెంచురా, సాంతాబార్బర, మిన్నెసోటా ప్రాంతవాసులకు అధికారులు సూచించారు. మంచు తుఫాను కారణంగా 1,550కి పైగా విమానాలను రద్దు చేశారు. 2.8 లక్షల ఇండ్లకు విద్యుత్తు సరఫరా నిలిచిపోయింది. పలు చోట్ల రహదారులను మూసివేశారు. తప్పనిసరి ప్రయాణం చేయాలనుకునేవారు వింటర్ సర్వైవల్ కిట్ను ఉంచుకోవాలని అధికారులు సూచించారు.