జూన్‌-ఆగస్టులో ఎల్‌నినోకు 80% అవకాశం

ఈ ఏడాది జూన్‌, ఆగస్టు నెలల మధ్య ఎల్‌నినో ఏర్పడే అవకాశం 80 శాతం ఉందని, దీనివల్ల తీవ్రమైన వాతావరణ పరిస్థితుల ముప్పు పెరుగుతుందని ఐక్యరాజ్యసమితికి చెందిన వాతావరణ విభాగమైన ప్రపంచ వాతావరణ సంస్థ(డబ్ల్యూఎంవో) మంగళవారం తెలిపింది.

• ఐక్యరాజ్యసమితి వాతావరణ విభాగం అంచనా

జెనీవా, జూన్‌ 2: ఈ ఏడాది జూన్‌, ఆగస్టు నెలల మధ్య ఎల్‌నినో ఏర్పడే అవకాశం 80 శాతం ఉందని, దీనివల్ల తీవ్రమైన వాతావరణ పరిస్థితుల ముప్పు పెరుగుతుందని ఐక్యరాజ్యసమితికి చెందిన వాతావరణ విభాగమైన ప్రపంచ వాతావరణ సంస్థ(డబ్ల్యూఎంవో) మంగళవారం తెలిపింది. ఉష్ణమండల పసిఫిక్‌లో అసాధారణంగా వేడెక్కిన సముద్ర జలాల కారణంగా ఎల్‌నినో పరిస్థితులు అభివృద్ధి చెందుతున్నాయి.

ఇవి ప్రపంచ ఉష్ణోగ్రత, వర్షపాత సరళిని ప్రభావితం చేయనున్నాయి అని తెలిపింది. జూన్‌-ఆగస్టు నెలల్లో ఎల్‌ నినో సంభవించే అవకాశాలు 80 శాతం ఉన్నట్లు జెనీవా కేంద్రంగా పనిచేసే ఆ సంస్థ వెల్లడించింది. ఇది సాధారణంగా ప్రతి రెండు నుంచి ఏడేండ్లకు ఒకసారి జరుగుతుంది. సుమారు తొమ్మిది నుంచి 12 నెలలపాటు కొనసాగుతుంది.