Rolex Watch: 60 ఏళ్లనాటి రోలెక్స్ వాచీ.. వేలంలో 41 ల‌క్ష‌ల‌కు అమ్ముడుపోయింది

Rolex Watch: 60 ఏళ్ల క్రితం ఏడు వేలు పెట్టి కొన్న రోలెక్స్ వాచీ.. తాజాగా బ్రిట‌న్‌లో నిర్వ‌హించిన వేలంలో 41 ల‌క్ష‌ల‌కు అమ్ముడుపోయింది. రాయ‌ల్ నేవీలో ప‌నిచేస్తున్న ఓ డ్రైవ‌ర్ అప్ప‌ట్లో ఈ వాచీని కొన్నారు. ఆయ‌న కుమారుడు ఇప్పుడు ఆ వాచీని వేలం వేశారు.

లండ‌న్‌: రోలెక్స్ (Rolex Watch)కంపెనీకి చెందిన ఓ వాచీ.. వేలంలో భారీ ధ‌ర‌కు అమ్ముడుపోయింది. 1964లో సుమారు ఏడు వేల పెట్టి ఖ‌రీదు చేసిన ఆ వాచీని .. బ్రిట‌న్‌లో వేలం వేశారు. ఆ వేలంలో 41 ల‌క్ష‌ల‌కు ఆ వాచీ అమ్ముడుపోయింది. రోలెక్స్ స‌బ్‌మారిన‌ర్ మోడ‌ల్‌కు చెందిన ఈ వాచీని ద డ్రైవ‌ర్స్ వాచీ అని కూడా పిలుస్తారు. దీన్ని 1953లో లాంచ్ చేశారు. ఇది వాట‌ర్‌ప్రూఫ్ కూడా.

రాయ‌ల్ నేవీలోని రెస్క్యూ హెలికాప్ట‌ర్ల‌లో ప‌నిచేసే సైమ‌న్ బార్నెట్ డ్రైవ‌ర్ తొలుత దీన్ని కొన్నారు. ఆయ‌న 2019లో మ‌ర‌ణించారు. ఆయ‌న కుమారుడు పీట్ బార్నెట్ ఈ వాచీని వేలంలో అమ్మారు. నేవీలో ప‌నిచేసిన త‌న తండ్రి డైవింగ్ స‌మ‌యంలో ఈ వాచీని వాడిన‌ట్లు చెప్పాడు.