రష్యాలో కూలిన కార్గో విమానం.. ముగ్గురు దుర్మరణం

Cargo plane | రష్యాలో ఓ కార్గో విమానం (Cargo plane) కూలిపోయింది. దీంతో ముగ్గురు దుర్మరణం చెందారు. ఇల్యుషిన్‌ ఇల్‌-76 అనే కార్గో విమానం శుక్రవారం ఉదయం రియాజాన్‌ నగరానికి సమీపంలో ల్యాండ్‌

మాస్కో: రష్యాలో ఓ కార్గో విమానం (Cargo plane) కూలిపోయింది. దీంతో ముగ్గురు దుర్మరణం చెందారు. ఇల్యుషిన్‌ ఇల్‌-76 అనే కార్గో విమానం శుక్రవారం ఉదయం రియాజాన్‌ నగరానికి సమీపంలో ల్యాండ్‌ అవుతున్నది. అయితే ఈక్రమంలో ఒక్కసారిగా విమానం కూలిపోయింది. దీంతో విమానంలో మంటలు చెలరేగాయి. ప్రమాద సమయంలో విమానంలో తొమ్మిది మంది ఉన్నారని వెల్లడించారు. వారిలో ముగ్గురు మరణించగా, మరో ఆరుగురు గాయపడ్డారని చెప్పారు. గాయపడిన వారిని దవాఖానకు తరలించారు. ఈ ప్రమాదానికి గల కారణాలు తెలియాల్సి ఉన్నది.