Road Accident | థార్ కారు బీభత్సం.. బైక్‌ను ఢీకొని ఇద్దరు దుర్మరణం

Road Accident | హైదరాబాద్ హయత్‌నగర్‌లోని విజయవాడ జాతీయ రహదారిపై థార్‌ కారు బీభత్సం సృష్టించింది. వేగంగా దూసుకొచ్చిన థార్‌ కారు వెనుక నుంచి బైక్‌ను ఢీకొట్టింది. ఈ ఘటనలో ఇద్దరు ప్రాణాలు కోల్పోయారు. నాలుగేళ్ల చిన్నారి తీవ్రంగా గాయపడింది.

Road Accident | హైదరాబాద్ హయత్‌నగర్‌లోని విజయవాడ జాతీయ రహదారిపై థార్‌ కారు బీభత్సం సృష్టించింది. వేగంగా దూసుకొచ్చిన థార్‌ కారు వెనుక నుంచి బైక్‌ను ఢీకొట్టింది. ఈ ఘటనలో ఇద్దరు ప్రాణాలు కోల్పోయారు. నాలుగేళ్ల చిన్నారి తీవ్రంగా గాయపడింది.

వివరాల్లోకి వెళ్తే.. ఎల్‌బీ‌ నగర్‌లో నివాసం ఉంటున్న రేఖ తన నాలుగేళ్ల కుమార్తెను తీసుకుని తన సోదరుడు నవీన్‌‌తో కలిసి పెద్ద అంబర్‌పేటలోని పుట్టింటికి బయల్దేరింది. బైక్‌పై బయల్దేరిన వారు హయత్‌నగర్‌కు చేరుకోగానే.. వేగంగా వచ్చిన థార్ కారు వెనుక నుంచి బలంగా ఢీకొట్టింది. ఈ ఘటనలో రేఖ, నవీన్ అక్కడికక్కడే మృతిచెందారు. నాలుగేళ్ల చిన్నారి తీవ్రంగా గాయపడింది. ఇది గమనించిన స్థానికులు 108 సాయంతో చిన్నారిని ఆస్పత్రికి తరలించారు.

బతుకమ్మ, దసరా పండుగల కోసం పుట్టింటికి వెళ్తుండగా ప్రాణాలు కోల్పోవడంతో బాధిత కుటుంబంలో విషాదఛాయలు అలుముకున్నాయి. ప్రమాదంపై సమాచారం అందుకున్న పోలీసులు ఘటనాస్థలిని పరిశీలించారు. ఈ ఘటనపై కేసు నమోదు చేసుకుని దర్యాప్తు చేపట్టారు. కాగా, ప్రమాదానికి కారణమైన కారు.. ఓ పోలీసు అధికారికి చెందినదిగా గుర్తించారు.

 

థార్ కారు బీభత్సం.. బైక్‌ను ఢీకొనడంతో ఇద్దరు దుర్మరణం

హైదరాబాద్ హయాత్‌నగర్‌లోని విజయవాడ జాతీయ రహదారిపై చోటు చేసుకున్న ఘటన

రేఖా తన నాలుగేళ్ల కుమార్తెతో పాటు సోదరుడు నవీన్‌తో కలిసి బైక్‌పై వెళ్తుండగా.. వేగంగా దూసుకొచ్చి వెనుక నుంచి ఢీకొట్టిన థార్

రేఖా, నవీన్ స్పాట్‌లోనే చనిపోగా.. నాలుగేళ్ల చిన్నారికి తీవ్ర గాయాలు కావడంతో ఆస్పత్రికి తరలించిన స్థానికులు

తోబుట్టువులు పండుగ కోసం ఎల్బీనగర్ నుంచి పెద్ద అంబర్‌పేట్‌లోని తమ ఇంటికి వెళ్తుండగా జరిగిన ప్రమాదం

ఈ ఘటన కారణంగా విజయవాడ హైవేపై ట్రాఫిక్ జామ్

ప్రమాదానికి కారణమైన థార్ కారు ఓ పోలీస్ అధికారికి చెందినదిగా గుర్తింపు

ఈ ఘటనపై కేసు నమోదు చేసుకొని.. దర్యాప్తు చేపట్టిన పోలీసులు

— PulseNewsBreaking (@pulsenewsbreak) October 18, 2026