జూబ్లీహిల్స్, నవంబర్ 9: జూబ్లీహిల్స్ కాంగ్రెస్ అభ్యర్థి అజారుద్దీన్పై నగరంలోని పలు పోలీస్ స్టేషన్లలో ఏడు కేసులు ఉన్నాయి. కేసుల వివరాలను ఆయన తన ఎన్నికల అఫిడవిట్ పేర్కొన్నారు. నగరంతో పాటు ముంబై, ఢిల్లీలో కూడా కేసులు ఉన్నట్టు వివరించాడు. నగరంలోని ఉప్పల్, బేగంపేట పోలీస్ స్టేషన్లలో 7 కేసులు ఉన్నాయని తెలిపాడు.
ఉప్పల్ పీఎస్లో ఐపీసీ 406, 409, 420, 465, 467, 471, 120 బీ సెక్షన్ల కింద మూడు కేసులు ఉన్నాయని పేర్కొన్నాడు. బేగంపేట పీఎస్లో కూడా పలు కేసులు ఉన్నట్టు గురువారం దాఖలు చేసిన ఎన్నికల అఫిడవిట్లో పేర్కొన్నారు.