బుల్డోజర్‌కు ఎదురొడ్డి..

కొండాపూర్‌ రాఘవేంద్ర కాలనీలో సీఎంసీ అధికారులు చేపట్టిన కూల్చివేత చర్యలు తీవ్ర ఉద్రిక్తతకు దారితీశాయి. రోడ్డుకు సుమారు 20 అడుగుల దూరంలో ఉన్న చిన్నచిన్న దుకాణాలను తొలగించేందుకు అధికారులు ప్రయత్నించడంతో స్థానికులు పెద్ద ఎత్తున నిరసన వ్యక్తం చేశారు. పేదల జీవనాధారమైన దుకాణాలను కూల్చొద్దంటూ పలువురు మహిళలు, కాలనీ వాసులతో పాటు ఉపాధి కోల్పోతున్న బాధితుడు జేసీబీ యంత్రానికి అడ్డంగా పడుకుని అధికారులను వేడుకున్నారు.

• సీఎంసీ కూల్చివేతలో ఉద్రిక్తత

కొండాపూర్‌, జూలై 25 : కొండాపూర్‌ రాఘవేంద్ర కాలనీలో సీఎంసీ అధికారులు చేపట్టిన కూల్చివేత చర్యలు తీవ్ర ఉద్రిక్తతకు దారితీశాయి. రోడ్డుకు సుమారు 20 అడుగుల దూరంలో ఉన్న చిన్నచిన్న దుకాణాలను తొలగించేందుకు అధికారులు ప్రయత్నించడంతో స్థానికులు పెద్ద ఎత్తున నిరసన వ్యక్తం చేశారు. పేదల జీవనాధారమైన దుకాణాలను కూల్చొద్దంటూ పలువురు మహిళలు, కాలనీ వాసులతో పాటు ఉపాధి కోల్పోతున్న బాధితుడు జేసీబీ యంత్రానికి అడ్డంగా పడుకుని అధికారులను వేడుకున్నారు.

తమ వ్యాపారాలు ఫుట్‌పాత్‌పై కూడా లేవని, అయినా ఎలాంటి ముందస్తు నోటీసు ఇవ్వకుండా ఇష్టానుసారంగా కూల్చివేయడం సరైన విధానం కాదంటూ బాధితులు అధికారులను ప్రశ్నించారు. ఉన్నపళంగా బతుకుదెరువును లాకుంటే మా పిల్లలను ఎలా పోషించాలి? మేము బతికేదెట్ల? అంటూ కన్నీటి పర్యంతమయ్యారు.