Visit:
మెహిదీపట్నం, జూలై 3: నీకోసం నాదగ్గర ఒక పుట్టినరోజు బహుమతి ఉందంటూ అర్ధరాత్రి 12.30కు తన స్నేహితురాలికి వీడియోకాల్ చేసింది. మరుసటి రోజు తన పుట్టినరోజు అని తీసుకున్నానని చెప్పింది. ఆ తర్వాత హోటల్గదిలో ఉరి వేసుకుని ఆత్మహత్య చేసుకుంది. లంగర్హౌస్లోని ఒక హోటల్లో ఆత్మహత్య చేసుకున్న రేణుక అనే క్లబ్డాన్సర్ చివరి మాటలివి. ఇన్స్పెక్టర్ వెంకటరాములు తెలిపిన వివరాల ప్రకారం… పాతబస్తీ మూసాబౌలికి చెందిన రేణుక(26)కు ఎనిమిదేళ్ల క్రితం వివాహం జరిగింది.
ఆమెకు ఆరు సంవత్సరాల కుమారుడు ఉన్నాడు. భర్తతో విడిపోయి ప్రస్తుతం బొల్లారంలో తన సోదరి వద్ద ఉంటుంది. కూకట్పల్లిలోని కింగ్స్క్వీన్స్ బార్లో డాన్సర్గా పనిచేస్తుండేది. గురువారం రాత్రి లంగర్హౌస్ ఫ్లోర్మిల్ సమీపంలో ఉన్న విగ్రాండ్ హోటల్కు ఫారూఖ్ అనే తన స్నేహితుడితో కలిసి వచ్చింది. హోటల్లోని ఐదో అంతస్తులో రూమ్ నెంబర్ 1611లో అర్ధరాత్రి వరకు ఇద్దరు కలిసి మద్యం తాగారు.
ఆ తర్వాత ఫారూఖ్ బయటకు వెళ్లి వస్తానని చెప్పి వెళ్లాడు. కొద్ది సేపటికి వచ్చి చూడగా గదిలో రేణుక ఉరివేసుకుని కనిపించింది. దీంతో ఫారూఖ్ హోటల్ సిబ్బంది సహకారంతో లంగర్హౌస్ పోలీసులకు సమాచారం ఇచ్చాడు.
సమాచారం అందుకున్న పోలీసులు అక్కడికి చేరుకుని మృతదేహాన్ని కిందికి దించి పోస్ట్మార్టం నిమిత్తం ఉస్మానియా మార్చురీకి తరలించారు. ఇదిలా ఉండగా ఉరివేసుకునే ముందు తన స్నేహితురాలికి రేణుక వీడియో కాల్ చేసి చెప్పినట్లు పోలీసులు తెలిపారు. ప్రస్తుతం ఫారూక్ను లంగర్హౌస్ పోలీసులు అదుపులోకి తీసుకున్నారు. ఘటనపై కేసు నమోదు చేసుకొని దర్యాప్తు చేస్తున్నామని పోలీసులు తెలిపారు.
