రేపట్నుంచి స్టూడెంట్‌ బస్‌పాస్‌ల జారీ

విద్యాసంస్థలు ప్రారంభం అవుతుండటంతో గ్రేటర్‌ హైదరాబాద్‌ ఆర్టీసీ సెంట్రల్‌ విద్యా సంస్థలకు బస్‌పాస్‌ కోడ్‌లు జారీ చేస్తున్నాయి. ఇప్పటికే కోడ్‌ ఉన్న సంస్థలు పాస్‌లు దరఖాస్తు చేసుకోవడంపై పలు సూచనలు చేసింది. శుక్రవారం నుంచి స్టూడెంట్‌ బస్‌పాస్‌లు జారీ చేయనున్నట్టు గ్రేటర్‌ హైదరాబాద్‌ ఎగ్జిక్యూటివ్‌ డైరెక్టర్‌ ఎం.రాజశేఖర్‌ బుధవారం ఒక ప్రకటనలో తెలిపారు.

సిటీబ్యూరో, జూన్‌ 3 (నమస్తే తెలంగాణ): విద్యాసంస్థలు ప్రారంభం అవుతుండటంతో గ్రేటర్‌ హైదరాబాద్‌ ఆర్టీసీ సెంట్రల్‌ విద్యా సంస్థలకు బస్‌పాస్‌ కోడ్‌లు జారీ చేస్తున్నాయి. ఇప్పటికే కోడ్‌ ఉన్న సంస్థలు పాస్‌లు దరఖాస్తు చేసుకోవడంపై పలు సూచనలు చేసింది. శుక్రవారం నుంచి స్టూడెంట్‌ బస్‌పాస్‌లు జారీ చేయనున్నట్టు గ్రేటర్‌ హైదరాబాద్‌ ఎగ్జిక్యూటివ్‌ డైరెక్టర్‌ ఎం.రాజశేఖర్‌ బుధవారం ఒక ప్రకటనలో తెలిపారు.

ఎప్పటిలాగానే విద్యార్థులకు జారీచేసే ఫ్రీ, రూట్‌, స్టూడెంట్‌ జనరల్‌, స్టూడెంట్‌ గ్రేటర్‌, స్టూడెంట్‌ స్పెషల్‌, స్టూడెంట్‌ ఎక్స్‌క్లూజివ్‌, డిస్ట్రిక్ట్‌ రూట్‌పాసులు పొందడానికి http: //tgsrtc pass.comలో ఆన్‌లైన్‌లో దరఖాస్తు చేసుకోవాలని సూచించారు. విద్యాసంస్థలు ఆర్టీసీ సూచించిన అడ్మినిస్ట్రేటివ్‌ చార్జీలు చెల్లించాలని కోరారు. కాగా, ప్రభుత్వ, ఎయిడెడ్‌ విద్యాసంస్థలు అడ్మినిస్ట్రేటివ్‌ చార్జీ లు చెల్లించడం నుంచి మినహాయించినట్టు వివరించారు. మరింత సమాచారం కోసం 80082 04216 నంబర్‌కు ఫోన్‌ చేయాలని తెలిపారు.