Sports Car | హైదరాబాద్ : తీసుకున్న అప్పు తిరిగి చెల్లించలేదని చెప్పి.. బాధితుడి స్పోర్ట్స్ కారును దుండగులు తగలబెట్టారు. ఈ ఘటన హైదరాబాద్లోని పహాడిషరీఫ్ పోలీసు స్టేషన్ పరిధిలో చోటు చేసుకుంది.
అయితే ఓ వ్యక్తి తనకు అవసరం ఉండి మరొకరి వద్ద అప్పుగా డబ్బులు తీసుకున్నాడు. కానీ సకాలంలో ఆ అప్పు తిరిగి చెల్లించలేకపోయాడు. దీంతో ఇరు వర్గాల మధ్య తీవ్ర వాగ్వాదం చోటు చేసుకుంది. అప్పుగా ఇచ్చిన డబ్బులు చెల్లించడం లేదని చెప్పి.. బాధితుడి స్పోర్ట్స్ కారును అడ్డుకున్నారు. అనంతరం ఆ కారుకు నిప్పంటించారు. కారు మంటల్లో పూర్తిగా కాలిపోయింది. ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టారు.