ఆరుగురు రెవెన్యూ సిబ్బందికి కలెక్టర్‌ నోటీసులు

సికింద్రాబాద్‌ తహసీల్దార్‌ కార్యాలయంలో విధులకు గైర్హాజరైన ఆరుగురు సిబ్బందికి కలెక్టర్‌ ప్రియాంక అలా నోటీసులు జారీ చేశారు. ఈమేరకు మంగళవారం సికింద్రాబాద్‌ తహసీల్దార్‌ కార్యాలయాన్ని ఆమె ఆకస్మికంగా తనిఖీ చేశారు.

సిటీ బ్యూరో, సెప్టెంబర్‌ 22 (నమస్తే తెలంగాణ): సికింద్రాబాద్‌ తహసీల్దార్‌ కార్యాలయంలో విధులకు గైర్హాజరైన ఆరుగురు సిబ్బందికి కలెక్టర్‌ ప్రియాంక అలా నోటీసులు జారీ చేశారు. ఈమేరకు మంగళవారం సికింద్రాబాద్‌ తహసీల్దార్‌ కార్యాలయాన్ని ఆమె ఆకస్మికంగా తనిఖీ చేశారు.

ఈ సందర్భంగా మాట్లాడుతూ.. ప్రభుత్వ ఉద్యోగులు ప్రజలకు జవాబుదారీగా ఉండాలని సూచించారు. రెవెన్యూ రికార్డులను ఎప్పటికప్పుడు అప్‌డేట్‌ చేయాలని ఆదేశించారు. వివిధ విభాగాల్లో నిర్వహిస్తున్న సిబ్బంది పనితీరును స్వయంగా పరిశీలించారు. వివిధ రకాల ధ్రువీకరణ పత్రాలు, సంక్షేమ పథకాల కోసం దరఖాస్తు చేసుకునే పౌరులకు ఇబ్బందులు కలుగకుండా చూసుకోవాల్సిన బాధ్యత అధికారులపై ఉందన్నారు.