ఉస్మానియా విద్యా స‌మాచారం

బీపీఈడీ, డీపీఈడీ పరీక్షా ఫలితాల రివాల్యుయేషన్‌కు దరఖాస్తుల స్వీకరణ
ఉస్మానియా యూనివర్సిటీ : ఉస్మానియా యూనివర్సిటీ పరిధిలోని బీపీఈడీ, డీపీఈడీ కోర్సుల మూడో సెమిస్టర్‌ రెగ్యులర్‌ పరీక్షల ఫలితాల రివాల్యుయేషన్‌కు దరఖాస్తులను స్వీకరించనున్నట్లు ఓయూ కంట్రోలర్‌ ఆఫ్‌ ది ఎగ్జామినేషన్స్​‍ ప్రొఫెసర్‌ శ్రీరాం వెంకటేశ్‌ ఒక ప్రకటనలో తెలిపారు.

ఫలితాలను ఇప్పటికే విడుదల చేసినట్లు చెప్పారు. రివాల్యుయేషన్‌కు దరఖాస్తు చేసుకోవాలనుకున్న టీఎస్ ఆన్‌లైన్‌ కేంద్రాలలో ఈ నెల 18వ తేదీలోగా సంబంధిత రుసుము చెల్లించాలని సూచించారు. జవాబు పత్రం నకలు పొందగోరే వారు ఈ నెల 30వ తేదీలోగా తమ కార్యాలయంలో దరఖాస్తు చేసుకోవాలన్నారు. ఇతర వివరాలకు ఓయూ వెబ్‌సైట్‌ www.osmania.ac.in లో చూసుకోవచ్చని సూచించారు.

ఓయూ పరిధిలో బీఈ కోర్సుల పరీక్షా ఫీజు స్వీకరణ

ఉస్మానియా యూనివర్సిటీ పరిధిలోని బీఈ కోర్సుల పరీక్షా ఫీజును స్వీకరించనున్నట్లు ఓయూ కంట్రోలర్‌ ఆఫ్‌ ది ఎగ్జామినేషన్స్​‍ ప్రొఫెసర్‌ శ్రీరాం వెంకటేశ్‌ ఒక ప్రకటనలో తెలిపారు. అన్ని బ్రాంచీల బీఈ ఎనిమిదో సెమిస్టర్‌ మేకప్‌, బ్యాక్‌లాగ్‌, ఇంప్రూవ్‌మెంట్‌ పరీక్షా ఫీజును ఈ నెల 16వ తేదీ వరకు సంబంధిత కళాశాలల్లో చెల్లించవచ్చని చెప్పారు.

ఈ పరీక్షలను వచ్చే నెలలో నిర్వహించనున్నట్లు తెలిపారు. పరీక్షా తేదీల పూర్తి వివరాలను త్వరలోనే వెల్లడిస్తామని ప్రకటించారు. ఇతర వివరాలకు ఓయూ వెబ్‌సైట్‌ www.osmania.ac.inలో చూసుకోవచ్చని సూచించారు.

బీఈడీ స్పెషల్‌ ఎడ్యుకేషన్‌ పరీక్షా ఫలితాల విడుదల

ఉస్మానియా యూనివర్సిటీ పరిధిలోని బీఈడీ స్పెషల్‌ ఎడ్యుకేషన్‌ పరీక్షా ఫలితాలను విడుదల చేసినట్లు ఓయూ కంట్రోలర్‌ ఆఫ్‌ ది ఎగ్జామినేషన్స్​‍ ప్రొఫెసర్‌ శ్రీరాం వెంకటేశ్‌ ఒక ప్రకటనలో తెలిపారు. ఫిబ్రవరిలో నిర్వహించిన బీఈడీ స్పెషల్‌ ఎడ్యుకేషన్‌ మొదటి, రెండో సెమిస్టర్‌ పరీక్షా ఫలితాలను ఓయూ వెబ్‌సైట్‌ www.osmania.ac.inలో అందుబాటులో ఉన్నాయ‌ని తెలిపారు.

బీఈడీ స్పెషల్‌ ఎడ్యుకేషన్‌ పరీక్షా తేదీల ఖరారు
ఉస్మానియా యూనివర్సిటీ పరిధిలోని బీఈడీ స్పెషల్‌ ఎడ్యుకేషన్‌ పరీక్షా తేదీలను ఖరారు చేసినట్లు ఓయూ కంట్రోలర్‌ ఆఫ్‌ ది ఎగ్జామినేషన్స్​‍ ప్రొఫెసర్‌ శ్రీరాం వెంకటేశ్‌ ఒక ప్రకటనలో తెలిపారు.

బీఈడీ స్పెషల్‌ ఎడ్యుకేషన్‌ (ఇంటెలెక్చువల్‌ డిసేబిలిటీ, హియరింగ్‌ ఇంపెయిర్‌మెంట్‌, లర్నింగ్‌ డిసేబిలిటీ) మొదటి సెమిస్టర్‌ రెగ్యులర్‌, బ్యాక్‌లాగ్‌ పరీక్షలను వచ్చే నెల 7వ తేదీ నుంచి నిర్వహించనున్నట్లు చెప్పారు. పరీక్షా తేదీల పూర్తి వివరాలకు ఓయూ వెబ్‌సైట్‌ www.osmania.ac.inలో పొందుప‌రిచిన‌ట్లు తెలిపారు.