Visit:
శేరిలింగంపల్లి మే 9: నిత్యం వాహనాలతో రద్దీగా ఉండే గచ్చిబౌలి కొండాపూర్ రహదారిపై ఓ బెంజ్ కారు మంటల్లో దగ్ధమైంది. కారులో పొగ రావడం గమనించి వెంటనే అప్రమత్తమైన డ్రైవర్ కారు దిగి ప్రాణాలు కాపాడుకున్నాడు. కాసేపటికి పెద్ద ఎత్తున మంటలు వ్యాపించి కారు పూర్తిగా దగ్ధమైంది. అటుగా వెళుతున్న వాహనదారులు ఏం జరుగుతుందో తెలియక ఒక్కసారిగా ఉలిక్కిపడ్డారు. గచ్చిబౌలి పోలీస్ స్టేషన్ పరిధిలో శనివారం సాయంత్రం చోటుచేసుకుందీ ప్రమాదం.
వివరాల్లోకి వెళ్తే… కొండాపూర్ వాసిల్ల మెడోస్లో నివసించే మోయిస్ (28) శనివారం సాయంత్రం 7:30 గంటల సమయంలో మెర్సిడెస్ బెంజ్ కారు (TS 07 HK 5555) లో గచ్చిబౌలి నుంచి తన ఇంటికి తిరిగి వెళుతున్నాడు. బొటానికల్ గార్డెన్ మీదుగా కారులోంచి పొగలు రావడం గమనించాడు మోయిస్. వెంటనే కారును ఆపి బయటకొచ్చి ప్రాణాలు కాపాడుకున్నాడు. కాసేపటికి బెంజ్ కారు పెద్ద ఎత్తున చెలరేగిన మంటలతో చెలరేగి పూర్తిగా దగ్ధమైంది. మంటల్లో కారు కాలి బూడిదవడం గమనించిన వాహనదారులు ఒకసారిగా ఉలిక్కిపడ్డారు. ఈ ప్రమాదంలో మోయిస్కు ఎలాంటి గాయాలు కాలేదు.
