కొలువుదీరిన ప్రాచీన హస్తకళలు

లామకాన్‌లో ప్రాచీన హస్తకళల ప్రదర్శన శనివారం ఉదయం కొలువుదీరింది. ఆయా చిత్రమాలికలు సందర్శకులందరినీ ఆకట్టుకుంటున్నాయి. బెల్‌ మెటల్‌, కలంకారి, ఇక్కత్‌ వస్ర్తాలు ప్రదర్శనలో ఉన్నాయి.

సిటీబ్యూరో, మార్చి 12(నమస్తే తెలంగాణ) : లామకాన్‌లో ప్రాచీన హస్తకళల ప్రదర్శన శనివారం ఉదయం కొలువుదీరింది. ఆయా చిత్రమాలికలు సందర్శకులందరినీ ఆకట్టుకుంటున్నాయి. బెల్‌ మెటల్‌, కలంకారి, ఇక్కత్‌ వస్ర్తాలు ప్రదర్శనలో ఉన్నాయి. బనానా ఫైబర్‌, ఫైన్‌ యాపిల్‌ ఫైబర్‌, జ్యూట్‌ వస్తువులు, పట్ట చీర, చేర్యాల బొమ్మలతో పాటు తాళపత్ర గ్రంథాలను ప్రదర్శనలో ఉంచారు. ప్రధానంగా 60 ఏండ్ల కింద గీసిన రామాయణ గాథను పురాతన హస్తకళా వస్తువులు ప్రతిబింబంగా నిలుస్తున్నాయి. ఇందులో సంపూర్ణ రామాయణ గాథలను చిత్రించినట్లు నిర్వాహకుడు రమేశ్‌ రామనాథన్‌ వివరించారు. గుహల్లో పెయింటింగ్‌కు ఉపయోగించిన రాతి వస్తువులు, 350 ఏండ్ల కిందటి రాతప్రతులు ప్రదర్శనలో ఉన్నాయి. సాయంత్రం 6 గంటలకు ‘ఏ ఫిస్యూర్డ్‌ హారిజాన్‌-ది కాంట్రడిక్షన్‌ ఆఫ్‌ ఇండియన్‌ డెమోక్రసీ’ అనే అంశంపై ప్రముఖ జర్నలిస్ట్‌ వినోద్‌ కె.జోన్‌ ప్రసంగించారు. అనంతరం, ‘బైఠక్‌-ఏ హిందుస్తానీ మ్యూజికల్‌ ఈవెనింగ్‌’ కార్యక్రమాన్ని నిర్వహించారు.