Bowenpally| బోయిన్‌పల్లిలో దారుణం.. భార్య, 10 నెలల కుమార్తెను చంపి ఆత్మహత్య చేసుకున్న భర్త

సికింద్రాబాద్ బోయిన్‌పల్లిలో (Bowenpally) దారుణం చోటుచేసుకున్నది. అనుమానం పెనుభూతమై కట్టుకున్న భార్యను, కన్న బిడ్డను చంపేశాడో వ్యక్తి. బోయిన్‌పల్లిలో నివాసం ఉంటున్న స్వప్న, గణేశ్‌ భార్యభర్తలు. వారికి 10 నెలల వయస్సు కలిగిన నక్షత్ర అనే కూతురు ఉన్నది.

హైదరాబాద్‌: సికింద్రాబాద్ బోయిన్‌పల్లిలో (Bowenpally) దారుణం చోటుచేసుకున్నది. అనుమానం పెనుభూతమై కట్టుకున్న భార్యను, కన్న బిడ్డను చంపేశాడో వ్యక్తి. బోయిన్‌పల్లిలో నివాసం ఉంటున్న స్వప్న, గణేశ్‌ భార్యభర్తలు. వారికి 10 నెలల వయస్సు కలిగిన నక్షత్ర అనే కూతురు ఉన్నది. అయితే భార్య, కుమార్తెను గొంతు నులిమి చంపేసిన గణేశ్‌.. అనంతరం తానూ ఆత్మహత్య చేసుకున్నాడు. బేగంపేటలో రైల్వేట్రాక్‌పై విగతజీవిగా కనిపించాడు.

సమాచారం అందుకున్న పోలీసులు ఘటనా స్థలానికి చేరుకుని మృతదేహాలను స్వాధీనం చేసుకున్నారు. పోస్టుమార్టం నిమిత్తం మృతదేహాలను గాంధీ దవాఖానకు తరలించారు. ఈ ఘటనపై కేసు నమోదుచేసి దర్యాప్తు చేస్తున్నారు. భార్యపై అనుమానంతోనే హత్య చేసినట్లు పోలీసులు భావిస్తున్నారు.