Vinayaka Chavithi | పూజలు అందుకోకుండానే గంగమ్మ ఒడికి వినాయకుడు

గణేష్‌ ఉత్సవాలు (Vinayaka Chavithi) ప్రారంభం కాకముందే ఓ బొజ్జగణపతి హుస్సేన్‌సాగర్‌లో నిమజ్జనం అయ్యాడు. దోమల్‌గూడ ప్రాంతానికి చెందిన కొందరు యువకులు ఓ అపార్ట్‌మెంట్‌లో వినాయక విగ్రహం ప్రతిష్ఠించేందుకు సోమవారం ఘట్‌కేసర్‌లో గణేష్‌ విగ్రహాన్ని కొనుగోలు చేశారు.

హైదరాబాద్‌: గణేష్‌ ఉత్సవాలు (Vinayaka Chavithi) ప్రారంభం కాకముందే ఓ బొజ్జగణపతి హుస్సేన్‌సాగర్‌లో నిమజ్జనం అయ్యాడు. దోమల్‌గూడ ప్రాంతానికి చెందిన కొందరు యువకులు ఓ అపార్ట్‌మెంట్‌లో వినాయక విగ్రహం ప్రతిష్ఠించేందుకు సోమవారం ఘట్‌కేసర్‌లో గణేష్‌ విగ్రహాన్ని కొనుగోలు చేశారు. ఓ వాహనంలో ఆ భారీ విగ్రహాన్ని మండపానికి తీసుకొస్తున్నారు. ఈ క్రమంలో హిమాయత్‌నగర్‌లోని వీధి నం.5లో మూల మలుపు వద్ద కేబుల్‌ వైరుకు తగలడంతో గణనాథుడు వాహనంపై నుంచి కింద పడిపోయాడు. దీంతో విగ్రహం కొంత ధ్వంసమైంది. దీంతో నిర్వాహకులు ధ్వంసమైన వినాయకుడి విగ్రహాన్ని పీపుల్స్‌ ప్లాజా వద్ద క్రేన్‌ సహాయంతో నిమజ్జనం చేశారు. కాగా, ఈ ఘటనలో వాహనంపైన ఉన్న బీహార్‌కు చెందిన గోల్‌మార్‌(25) అనే యువకుడు కిందపడిపోవడంతో అతని ఎడమ కాలుకు బలమైన దెబ్బలు తగిలాయి. మూడు ద్విచక్ర వాహనాలు సైతం ధ్వంసమయ్యాయి.

ఇవి కూడా చదవండి..

Traffic Alert | హైదరాబాద్‌లో రేపటి నుంచి వచ్చేనెల 6 వరకు ట్రాఫిక్‌ ఆంక్షలు

కేబీఆర్‌ పార్కు ప్రాజెక్టుకు కాంగ్రెస్‌ నేత మోకాలడ్డు!

డబ్బులు కట్టించుకున్నారు.. కనెక్షన్‌ మరిచారు