బోనాల పండుగకు విద్యుత్‌ ఏర్పాట్లు

ఆషాఢ మాసం బోనాల పండుగ నేపథ్యంలో గ్రేటర్‌ హైదరాబాద్‌లో నిరంతరం నాణ్యమైన విద్యుత్‌ సరఫరా చేసేందుకు అ న్ని ఏర్పాట్లు చేస్తున్నామని దక్షిణ తెలంగాణ విద్యుత్‌ పంపిణీ సంస్థ చైర్మన్‌ అండ్‌ మేనేజింగ్‌ ముషారప్‌ ఫరూఖీ తెలిపారు.

• సర్కిల్‌ అధికారులతో విద్యుత్‌ శాఖ సీఎండీ ముషారఫ్‌ ఫరూఖీ సమీక్ష

సిటీబ్యూరో, జూన్‌ 28(నమస్తే తెలంగాణ): ఆషాఢ మాసం బోనాల పండుగ నేపథ్యంలో గ్రేటర్‌ హైదరాబాద్‌లో నిరంతరం నాణ్యమైన విద్యుత్‌ సరఫరా చేసేందుకు అ న్ని ఏర్పాట్లు చేస్తున్నామని దక్షిణ తెలంగాణ విద్యుత్‌ పంపిణీ సంస్థ చైర్మన్‌ అండ్‌ మేనేజింగ్‌ ముషారప్‌ ఫరూఖీ తెలిపారు. ఖైరతాబాద్‌లోని కార్పొరేట్‌ కార్యాలయంలో ఇన్‌చార్జి డైరెక్టర్లు నంద కుమార్‌, డాక్టర్‌ నర్సింహులు, చీఫ్‌ ఇంజనీర్లు కె.సాయిబాబా, ఎల్‌.పాండ్య, వి.శివాజీ, పి.బిక్షపతి, పి.ఆనంద్‌, సీజీఎం కృష్ణారెడ్డి, సూపరింటెండింగ్‌ ఇంజనీర్లతో సమీక్షా సమావేశం నిర్వహించారు. అనంతరం, ఉన్నతాధికారులకు సీఎండీ ప్రత్యేకంగా పలు సూచనలు చేశారు.

• బోనాల పండుగకు సంబంధించి అన్ని ఏర్పాట్లను పండుగ ప్రారంభానికి ముందే పూర్తి చేయాలని, జూలై 2 నాటికి సంబంధిత సీఈలు, ఎస్‌ఈలు పండుగ కంటే ఒక రోజు ముందు ఆలయాలు, వాటి ప్రాంగణాలను సందర్శించి 24/7 విద్యుత్‌ సరఫరా ఉండేలా చూసుకోవాలి.
• ప్రతి దేవాలయానికి నోడల్‌ అధికారి లేదా ఏఈని కేటాయించాలి.
• ఆర్‌ అండ్‌ బీ డిపార్టుమెంట్‌, ఆలయ కమిటీలతో సమన్వయం చేసుకొని, డీటీఆర్‌లు, నెట్‌వర్క్‌లలో ఏర్పాటు చేసిన అదనపు తాత్కాలిక లైట్లు, ఎయిర్‌ కండీషనింగ్‌, సౌండ్‌ సిస్టమ్‌లను అనుసంధానం చేయడానికి సజావుగా ఉండేలా చూసుకోవాలి.
• నిరంతర విద్యుత్‌ సరఫరాను అందిస్తూ, ప్రమాద రహితంగా బోనాల పండుగ జరుపుకునే 24 గంటల పాటు విధులు నిర్వహించాలి.
• అవసరమైన చోట ప్రత్యామ్నాయ సామగ్రిని ఏర్పాటు చేయాలి. క్షేత్ర స్థాయి సిబ్బందికి తగిన సామగ్రిని అందుబాటులో ఉంచడంతో పాటు ఏవైనా ఘటనలు ఎదుర్కొనేలా ఉండాలి.