జీహెచ్‌ఎంసీలో కొవిడ్‌ కంట్రోల్‌ రూం

• కరోనా సంబంధిత అంశాలపై 24/7 సమాచారం
• పురపాలక శాఖ ముఖ్య కార్యదర్శి అర్వింద్‌ కుమార్‌

గ్రేటర్‌లో కరోనా వైరస్‌ విజృంభిస్తున్న నేపథ్యంలో మహమ్మారిని నియంత్రించేందుకు బల్దియా చర్యలను వేగి రం చేసింది. నగరవాసులకు కరోనా సంబంధిత అంశాలపై సమాచారం అందించేందుకు జీహెచ్‌ఎంసీలో కొవిడ్‌-19 కంట్రోల్‌ రూంను ఏర్పాటు చేయాలని నిర్ణయించారు. ఈ మేరకు పురపాలక శాఖ ముఖ్య కార్యదర్శి అర్వింద్‌ కుమార్‌ ఆదేశించారు. 24/7 ఈ కంట్రోల్‌ రూం పనిచేసే విధంగా, సీనియర్‌ అధికారులను పర్యవేక్షకులుగా నియమించాలని అర్వింద్‌ కుమార్‌ ఆదేశించారు.

• నగరంలో ప్రభుత్వ, ప్రైవేట్‌ ఆసుపత్రుల్లో ప్రతిరోజు పెద్ద ఎత్తున బయో వ్యర్థాలు వస్తున్నాయని, వీటిని తగు నిబంధనల ప్రకారం తీసి వేసేందుకు ఆయా ఆసుపత్రుల యాజమాన్యాలు చేపట్టిన చర్యలపై తనిఖీలు చేపట్టాలని జోనల్‌, డిప్యూటీ కమిషనర్లకు ఆదేశించారు.
• గత సంవత్సరంలో కరోనా మొదటి దశ నియంత్రణలో మిషన్‌ మోడ్‌తో పనిచేసిన విధంగానే ప్రస్తుతం కూడా పనిచేయాలన్నారు. కొవిడ్‌-19 సంబంధిత అంశాలపై నగరవాసుల అవసరాలను తీర్చడం, తగు సలహాలు, సూచనలు ఇవ్వడానికి జీహెచ్‌ఎంసీలో ప్రత్యేక నోడల్‌ టీమ్‌ను ఏర్పాటు చేయాలని అర్వింద్‌ కుమార్‌ అధికారులకు సూచించారు.