Visit:
కొండాపూర్: కాంగ్రెస్ నేత కంది జ్ఞానేశ్వర్పై లైంగికదాడి, బెదిరింపులు, బ్లాక్ మెయిల్ ఆరోపణలకు సంబంధించిన కేసు ఆలస్యంగా వెలుగులోకి వచ్చింది. గంగారంలో నివసించే కాంగ్రెస్ నేత కంది జ్ఞానేశ్వర్.. తన ఇంటి ఎదురుగా ఉండే మహిళతో పరిచయం పెంచుకొని..అదను చూసి ఆమెపై లైంగికదాడి చేసినట్లు ఆరోపణలున్నాయి. నగ్న వీడియోలు తన వద్ద ఉన్నాయని చెబుతూ, బయటపెడతానంటూ బెదిరించి మానసికంగా వేధించినట్లు బాధితురాలు ఫిర్యాదులో పేరొన్నట్లు సమాచారం.
వివిధ అవసరాల పేరుతో డబ్బులు తీసుకుని తిరిగి ఇవ్వాలని కోరినప్పుడు బెదిరింపులకు దిగినట్లు బాధితురాలు ఫిర్యాదులో పేరొన్నట్లు తెలుస్తోంది. బాధితురాలు చందానగర్ పీఎస్ లో ఫిర్యాదు చేయగా, మొదట్లో కేసు విషయంలో గోప్యత పాటించిన పోలీసులు.. ప్రాథమిక విచారణ తర్వాత కేసు నమోదు చేసి కంది జ్ఞానేశ్వర్ను అరెస్ట్ చేసి జైలుకు తరలించారు. బాధితురాలు చేసిన ఆరోపణలపై అన్ని కోణాల్లో దర్యాప్తు చేస్తున్నట్లు పోలీసు వర్గాలు తెలిపాయి.
