సమాజానికి తిరిగిద్దాం

‘పేద విద్యార్థికి స్కూల్‌ కిట్‌.. పర్యావరణ పరిరక్షణ కోసం మొక్కలు నాటాలి’ అన్న లక్ష్యంతో అమెజాన్‌, గివ్‌ ఇండియా సంయుక్త ఆధ్వర్యంలో నెక్లెస్‌ రోడ్‌లోని పీపుల్స్‌ ప్లాజా వద్ద నిర్వహించిన ‘రన్‌ ఫర్‌ చేంజ్‌' ఉత్సాహంగా సాగింది.

• ఉత్సాహంగా సాగిన అమెజాన్‌ రన్‌ ఫర్‌ ఛేంజ్‌
• ప్రారంభించిన సినీ నటుడు మిలింద్‌ సోమన్‌

ఖైరతాబాద్‌, సెప్టెంబర్‌ 8: ‘పేద విద్యార్థికి స్కూల్‌ కిట్‌.. పర్యావరణ పరిరక్షణ కోసం మొక్కలు నాటాలి’ అన్న లక్ష్యంతో అమెజాన్‌, గివ్‌ ఇండియా సంయుక్త ఆధ్వర్యంలో నెక్లెస్‌ రోడ్‌లోని పీపుల్స్‌ ప్లాజా వద్ద నిర్వహించిన ‘రన్‌ ఫర్‌ చేంజ్‌’ ఉత్సాహంగా సాగింది. కార్పొరేట్‌ సోషల్‌ రెస్పాన్సిబులిటీలో భాగంగా సమాజానికి తిరిగి ఇవ్వడం ద్వారా ఉజ్వల భవిష్యత్‌ను సృష్టించాలన్న సంకల్పంతో అమెజాన్‌ ‘గ్లోబల్‌ మంత్‌ ఆఫ్‌ వాలంటరింగ్‌’ను శనివారం నిర్వహించింది.

ఇందులో భాగంగా 3వేల మందితో చేపట్టిన ఈ రన్‌ను ప్రముఖ మోడల్‌, సినీ నటుడు, దర్శకుడు మిలింద్‌ సోమన్‌, అమెజాన్‌ ఇన్‌ ద కమ్యూనిటీ హెడ్‌ అనిత కుమార్‌తో కలిసి కార్యక్రమాన్ని ప్రారంభించారు. మిలింద్‌ సోమన్‌ మాట్లాడుతూ ప్రతి ఒక్కరు తమ జీవితంలో సమాజానికి కొంత తిరిగి ఇవ్వాలన్న లక్ష్యం పెట్టుకోవాలన్నారు. అమెజాన్‌ చేపట్టిన ఈ కార్యక్రమం చాలా మందికి స్ఫూర్తినివ్వాలని, రన్‌ నిర్వహించడం ద్వారా వచ్చిన మొత్తానికి మూడు రెట్లు జోడించి పాఠశాల విద్యార్థులకు స్కూల్‌ కిట్లు, మొక్కలు నాటాలని నిర్ణయించడం గొప్ప విషమన్నారు. ఈ రన్‌లో ఉద్యోగులు, మహిళలు, విద్యార్థులు పాల్గొన్నారు