హైదరాబాద్ : హైదరాబాద్ నుంచి లండన్ వెళ్లే విమాన ప్రయాణికులకు శుభవార్త. ఇక నుంచి హైదరాబాద్ నుంచి లండన్కు నేరుగా విమానాలు నడపనున్నట్లు ఎయిరిండియా ప్రకటించింది. లండన్ నుంచి హైదరాబాద్ బయల్దేరిన నాన్స్టాప్ విమానం గురువారం శంషాబాద్ ఎయిర్పోర్టుకు చేరుకోనుంది. ఈ నాన్స్టాప్ విమానంలో మొత్తం 256 సీట్లు ఉంటాయి. ఇందులో 18 బిజినెస్ క్లాస్ కాగా, మిగతా 238 సీట్లు ఎకానమి క్లాస్.
ప్రతి సోమ, శుక్రవారాల్లో హైదరాబాద్ నుంచి లండన్కు నాన్స్టాప్ విమాన సర్వీసులు నడవనున్నాయి. AI 147 విమానం హైదరాబాద్లో సోమవారం రాత్రి 1:30 గంటలకు బయల్దేరి, లండన్కు అదే రోజు ఉదయం 7:30 గంటలకు చేరుకోనుంది. AI 147 విమానం శుక్రవారం తెల్లవారుజామున 5:30 గంటలకు బయల్దేరి, అదే రోజు ఉదయం 11:30 గంటలకు లండన్కు చేరుకోనుంది. లండన్ నుంచి AI 148 విమానం ప్రతి ఆది, గురువారాల్లో హైదరాబాద్కు బయల్దేరనుంది.
ప్రస్తుతం ఢిల్లీ, ముంబై, కోల్కతా, చెన్నై, బెంగళూరు, అమృత్సర్, కొచ్చి, అహ్మదాబాద్, గోవా నుంచి నేరుగా లండన్కు ఎయిరిండియా విమానాలు అందుబాటులో ఉన్నాయి. ఇప్పుడు ఆ జాబితాలో హైదరాబాద్ కూడా చేరింది. తదితర వివరాలకు www.airindia.in వెబ్సైట్ను సందర్శించొచ్చు. లేదా టోల్ ఫ్రీ నంబర్ 1860 233 1407 కు కాల్ చేసి వివరాలు తెలుసుకోవచ్చు.