హైదరాబాద్ : ఓ టెక్నీషియన్ నీచానికి పాల్పడ్డాడు. కేబుల్ వర్క్ చేయడానికొచ్చి ఓ మహిళపై కన్నేశాడు. సదరు మహిళ బాత్రూమ్లో ఉండగా.. వీడియో చిత్రీకరించి స్థానికులకు అడ్డంగా దొరికిపోయాడు. ఈ ఘటన బంజారాహిల్స్ రోడ్ నంబర్-2లో చోటు చేసుకుంది. ఓ ఇంట్లో కేబుల్ నెట్ వర్క్ సరిగా పని చేయకపోవడంతో.. సంబంధిత నెట్ వర్క్కు ఫిర్యాదు చేశారు.
దీంతో ఆ నెట్వర్క్ టెక్నీషియన్ ఆ ఇంటికి వచ్చాడు. కేబుల్ వర్క్ చేస్తున్న టెక్నీషియన్కు పక్కింట్లో ఉన్న మహిళ బాత్రూమ్లో ఉన్న విషయాన్ని గ్రహించాడు. దీంతో అతను తన సెల్ఫోన్లో వీడియో చిత్రీకరించాడు. దీన్ని గమనించిన స్థానికులు టెక్నీషియన్ను పట్టుకుని చితకబాదారు. అనంతరం అతన్ని పోలీసులకు అప్పగించారు. కేసు నమోదు చేసుకున్న పోలీసులు దర్యాప్తు చేపట్టారు.