POCSO case | కన్నకూతురిపట్ల తండ్రి అసభ్య ప్రవర్తన.. పోక్సో కేసు నమోదు

POCSO case | మద్యం మత్తులో కన్నకూతురిపట్ల అసభ్యంగా ప్రవర్తించిన వ్యక్తిని ఫిలింనగర్‌ పోలీసులు అరెస్ట్‌ చేసి రిమాండ్‌కు తరలించారు

బంజారాహిల్స్‌,మార్చి 27 : మద్యం మత్తులో కన్నకూతురిపట్ల అసభ్యంగా ప్రవర్తించిన వ్యక్తిని ఫిలింనగర్‌ పోలీసులు అరెస్ట్‌ చేసి రిమాండ్‌కు తరలించారు. వివరాల్లోకి వెళ్తే.. ఫిలింనగర్‌ పోలీస్‌స్టేషన్‌(Filmnagar Police Station) పరిధిలోని ఓ బస్తీలో నివాసం ఉంటున్న వ్యక్తి(39) గత కొంతకాలంగా మద్యానికి బానిసగా మారాడు. పనికి వెళ్లకుండా ఇంట్లోనే ఉండడంతో పాటు భార్య వద్దనుంచి డబ్బులు వసూలు చేసి రోజంతా తాగుతూ అవారగా తిరుగుతున్నాడు.

కాగా రెండ్రోజుల క్రితం మద్యం మత్తులో ఉన్న వ్యక్తి స్కూల్‌ నుంచి వచ్చిన తన కుమార్తె(7)ను దగ్గరకు పిలిచి అసభ్యకరంగా ప్రవర్తించడంతో పాటు లైంగికదాడికి యత్నించాడు. దీంతో బాలిక అక్కడినుంచి పరిగెత్తి బయటకు వెళ్లింది. సాయంత్రం తల్లి ఇంటికి వచ్చిన తర్వాత జరిగిన విషయాన్ని చెప్పడంతో ఆమె ఫిలింనగర్‌ పోలీసులకు ఫిర్యాదు చేసింది. ఈ మేరకు పోక్సో చట్టం (POCSO )కింద కేసు నమోదు చేసిన పోలీసులు నిందితుడిని అరెస్ట్‌ చేసి బుధవారం రిమాండ్‌కు తరలించారు.