హైద‌రాబాద్ మెట్రో స్టేష‌న్‌లో యువ‌తి డ్యాన్స్‌.. ఆ వీడియోపై అధికారుల ఆగ్ర‌హం

హైద‌రాబాద్ : సోష‌ల్ మీడియాలో యాక్టివ్‌గా ఉండే యువ‌త‌.. త‌మ‌కు ఏదైనా ప్ర‌దేశం న‌చ్చిందంటే చాలు.. అక్క‌డ వీడియో షూట్ చేసేస్తున్నారు. ఇక దాన్ని సామాజిక మాధ్య‌మాల్లో వైర‌ల్ చేస్తున్నారు. ఓ అంద‌మైన అమ్మాయి కూడా హైద‌రాబాద్‌లోని ఓ మెట్రో స్టేష‌న్‌లో అద్భుతంగా డ్యాన్స్ చేసి ఓ వీడియోను నెట్టింట వ‌దిలింది. ఆ వీడియో ఇప్పుడు వైర‌ల్ అవుతోంది. మోడ్ర‌న్ డ్ర‌స్ ధ‌రించిన ఆ యువ‌తి.. రా.. రా.. అనే పాట‌కు స్టేష‌న్ ఆవ‌ర‌ణ‌లో స్టెప్పులేయ‌గా, మ‌రో పాట‌కు ఏకంగా క‌దులుతున్న రైల్లోనే మాస్ స్టెప్పులేసి అంద‌ర్నీ మైమ‌రిపించింది.

అయితే ఈ రెండు వీడియోలు మెట్రో రైల్ అధికారుల‌కు చేరాయి. ఆ అమ్మాయి వీడియోల‌పై అధికారులు తీవ్ర ఆగ్ర‌హం వ్య‌క్తం చేశారు. ప్ర‌యాణికుల‌ను ఇబ్బంది పెట్టేవారిపై క‌ఠిన చ‌ర్య‌లు తీసుకుంటామ‌ని హెచ్చ‌రించారు. వీడియో చేసిన యువ‌తిపై మెట్రో అధికారులు పోలీసుల‌కు ఫిర్యాదు చేశారు. కేసు న‌మోదు చేసుకున్న పోలీసులు ద‌ర్యాప్తు చేప‌ట్టారు.

are you guys changed Hyderabad metro stations as picnic spots & dance floors ? please let me know, I want to host a gala night at raidurgam station with my friends 🕺 pic.twitter.com/jBXnteetZs

— McDowell Reddy (@mcdowellmurthy2) July 17, 2022