Health Tips | తెల్ల వెంట్రుకను పీకేస్తే.. మరిన్ని తెల్ల వెంట్రుకలు వస్తాయా ?

Health Tips | ఒక వయసు వచ్చాక కేశాల క్లేశాలు మొదలవుతాయి. యంగ్‌ ఏజ్‌లో మెరిసిన జుట్టు నడి వయసుకు రాగానే నెరసిపోతూ కలవరపెడుతుంది.

Health Tips | ఒక వయసు వచ్చాక కేశాల క్లేశాలు మొదలవుతాయి. యంగ్‌ ఏజ్‌లో మెరిసిన జుట్టు నడి వయసుకు రాగానే నెరసిపోతూ కలవరపెడుతుంది. తెల్లబడుతున్న నల్లజుట్టును కాపాడుకోలేక, రాలిపోతున్న తెల్లజుట్టును నిలుపుకోలేక పడే తంటాలు అన్నీ ఇన్నీ కావు. ఈ క్రమంలో రకరకాల అనుమానాలు వస్తుంటాయి. కింద పేర్కొన్న నిజాలు తెల్లజుట్టును నల్లగా మార్చకపోయినా.. మనిషికైతే భరోసానిస్తాయి.

• ఓ తెల్ల వెంట్రుకను పీకేస్తే దాని స్థానంలో మరిన్ని తెల్ల వెంట్రుకలు వస్తాయని అపోహపడుతుంటారు. అందులో నిజం లేదు. నిజానికి ఒక వెంట్రుకను తీసేయడం దాని చుట్టుపక్కల కుదుళ్ల మీదగానీ, వేరే వెంట్రుకలు తెల్లబడటం మీద ప్రభావం చూపదు.
• తీవ్రమైన ఒత్తిడి వల్ల జుట్టు చాలా తొందరగా తెల్లబడుతుందనేది కూడా అపోహే. కాకపోతే దీర్ఘకాలం ఒత్తిడి ఆరోగ్యం మీద ప్రభావం చూపుతుంది. అందులో జుట్టు నెరవడం ఒకటి. అయినా, దీనికి శాస్త్రీయమైన రుజువులు మాత్రం లేవు.
• నెరుపు అనేది జన్యువులు, పరిసరాల కారణంగా తలెత్తే సంక్లిష్టమైన ప్రక్రియ. వీటి తర్వాతే ఒత్తిడి పాత్ర వస్తుంది.
• హెయిర్‌ డైలు వాడటం వల్ల జుట్టు నెరిసే క్రమం వేగవంతం అవుతుందనేది కూడా అపోహే! జుట్టు రంగుకు కారణమయ్యే మెలనోసైట్ల ఉత్పత్తికి సంబంధించిన శరీర క్రియల మీద హెయిర్‌ డైలు ఏ విధంగానూ ప్రభావం చూపవు.