నా వయసు యాభై. అధిక బరువు కారణంగా బెరియాట్రిక్ సర్జరీ చేయించుకున్నాను. దాంతో కొంత కొంత మాత్రమే తినగలుగుతున్నా. అయితే ఈ మధ్య విపరీతమైన నీరసం, తలతిరగడం, చిరాకు, కాళ్లు పట్టేయడం.. తదితర సమస్యలు ఇబ్బంది పెడుతున్నాయి. ఇవన్నీ సర్దుకోవాలంటే ఎలాంటి ఆహారం తీసుకోవాలి. నేను శాకాహారిని.
ఓ పాఠకురాలు
కొంచెమే తిన్నా ఎక్కువ సార్లు తినడం ద్వారా మీరు ఈ ఇబ్బందుల నుంచి బయటపడవచ్చు. ప్రతి రెండు గంటలకు ఏదో ఒక ఆహారం తీసుకోండి. బ్రేక్ఫాస్ట్, లంచ్, డిన్నర్.. ఈ మూడిట్లోనూ ప్రొటీన్ ఉండేలా చూసుకోండి. శాకాహారి కాబట్టి లంచ్లో పనీర్ కర్రీ, డిన్నర్లో రాజ్మా, శెనగలు లాంటివి ప్లాన్ చేసుకోండి.
మధ్యమధ్యలో స్నాక్స్ రూపంలో పండ్లు, సలాడ్లు తినండి. అలాగే క్యారెట్, బీట్రూట్, మిక్డ్స్ వెజిటెబుల్.. ఇలా తీసుకోండి. గుడాల్లాంటివి తిన్నా మంచిదే. మొత్తంగా యాంటీ ఆక్సిడెంట్లు, విటమిన్లు, మినరల్స్తో పాటు ప్రొటీన్ల్లు, కార్బొహైడ్రేట్ల కలగలుపుగా ఉండేలా మీ డైట్ప్లాన్ తీర్చిదిద్దుకోండి. కొద్ది రోజుల్లోనే మీ సమస్య తప్పక పరిష్కారం అవుతుంది.
– మయూరి ఆవుల న్యూట్రిషనిస్ట్ Mayuri.trudiet@ gmail.com