Parenting Tips | పిల్లలకు వ్యాక్సిన్‌ వేయిస్తున్నారా? ఈ జాగ్రత్తలు తప్పనిసరిగా తీసుకోండి

Parenting Tips |  వ్యాక్సిన్లు కవచం లాంటివి. అనేకానేక అంటువ్యాధులు, వివిధ రుగ్మతల నుంచి చిన్నారులకు రక్షణ కల్పిస్తాయి. కాకపోతే, కొన్ని జాగ్రత్తలు తప్పవు.

Parenting Tips |  వ్యాక్సిన్లు కవచం లాంటివి. అనేకానేక అంటువ్యాధులు, వివిధ రుగ్మతల నుంచి చిన్నారులకు రక్షణ కల్పిస్తాయి. కాకపోతే, కొన్ని జాగ్రత్తలు తప్పవు.

• వ్యాక్సిన్‌కు వెళ్లేప్పుడు పిల్లల హెల్త్‌ రికార్డులను వెంట తీసుకెళ్లడం మరిచిపోవద్దు. ఆ వివరాల ఆధారంగానే వైద్యులు డోసేజీ నిర్ణయిస్తారు.
• బిడ్డలకు వదులైన దుస్తులే వేయండి. సౌకర్యంగా ఉంటాయి. కాటన్‌ అయితే మరీ మంచిది.
• వ్యాక్సినేషన్‌ తర్వాత ఏం తినిపించాలి, మలి విడత మళ్లీ ఎప్పుడు వేయించాలి, సైడ్‌ ఎఫెక్ట్స్‌ ఏమైనా ఉంటాయా? ఆ సమయానికి వాడుతున్న ఔషధాలు ఆపేయాలా, కొనసాగించాలా? అన్నదీ తెలుసుకోండి.
• అర్హులైన వైద్యులతోనే టీకాలు వేయించాలి. వ్యాక్సినేషన్‌ విషయంలో వాయిదాలు సరికాదు.
• వ్యాక్సినేషన్‌ తర్వాత బిడ్డ శరీరంలో కానీ, ప్రవర్తనలో కానీ ఏవైనా మార్పులుంటే.. తక్షణం వైద్యులను సంప్రదించాలి.
• ఎవరి శరీరతత్వం వారిదే. ఫలానా వాళ్ల పిల్లలకు అలా అయ్యింది కాబట్టి, మన బిడ్డకూ అలానే జరుగుతుంది.. అనుకోవడం తప్పు. ఎవరితోనూ పోల్చుకోవద్దు. అశాస్త్రీయమైన ఆలోచనా విధానం వద్దు.