న్యూఢిల్లీ : నేటి ఆధునిక జీవితంలో లేచింది మొదలు ఉరుకుల పరుగుల పనితో ఒత్తిడితో చిత్తవుతుంటాం. ఒత్తిడితో శారీరక అలసట, మానసిక అలజడితో వ్యాధుల బారినపడే ముప్పు అధికమని వైద్యులు హెచ్చరిస్తున్నా జీవనోపాధి కోసం పరుగులు పెట్టడం మానలేం. అయితే జీవనశైలి మార్పులతో, ఆరోగ్యకర ఆహారంతో ఒత్తిడిని చిత్తు చేసి మెరుగైన ఆరోగ్యాన్ని సొంతం చేసుకోవచ్చని నిపుణులు చెబుతున్నారు.
యాంటీ ఇన్ఫ్లమేటరీ డ్రింక్తో (Anti Inflammatory Shot) అద్భుత ఆరోగ్యాన్ని సొంతం చేసుకోవచ్చని న్యూట్రిషనిస్ట్ నేహ పరిహర్ తన ఇన్స్టాగ్రాం పేజ్ గ్రోవిత్నేహలో రాసుకొచ్చారు. రోజూ మనం వాడే నిమ్మరసం, ఆరంజ్, అల్లంతో ఈ డీటాక్స్ డ్రింక్ను తయారుచేసుకోవచ్చని నేహ చెబుతున్నారు. విటమిన్లు, మినరల్స్, యాంటీఆక్సిడెంట్లు పుష్కలంగా ఉండే ఈ జ్యూస్ ప్యాక్లో కేవలం 25 క్యాలరీలే ఉంటాయని క్యాప్షన్లో పేర్కొన్నారు.
ఈ డీటాక్స్ డ్రింక్ తయారుచేసే విధానం చూస్తే ఉసిరి, ఆరంజ్, నిమ్మకాయ రసాన్ని తీసుకుని అందులో అల్లం రసం, మిరియాల పొడి, పసుపుని మిక్స్ చేసి యాంటీఆక్సిడెంట్ డ్రింక్ తయారుచేసుకుని ఉదయాన్నే తీసుకుంటే ఎన్నో ఆరోగ్య ప్రయోజనాలు చేకూరుతాయని నేహ చెబుతున్నారు. ఈ డ్రింక్తో చర్మం సహజంగా మెరవడంతో పాటు చర్మంపై మచ్చలు తొలగిపోవడమే కాకుండా కేశ సంరక్షణకూ ఇది ఉపయోగపడుతుంది. ఇక శరీరంలో ఇన్ఫ్లమేషన్తో ఇది పోరాడి మన రోగనిరోధక వ్యవస్ధనూ బలోపేతం చేస్తుంది.
Read More :