SunScreen Lotion | వింట‌ర్‌లోనూ సన్‌స్క్రీన్ వాడ‌టం త‌ప్ప‌నిస‌రి..ఎందుకంటే..!

SunScreen Lotion : సూర్య‌ర‌శ్మి నుంచి వెలువ‌డే హానికార‌క యూవీఏ, యూవీబీ కిర‌ణాల నుంచి చ‌ర్మాన్ని కాపాడుకునేందుకు స‌న్‌స్క్రీన్ లోష‌న్‌ను వాడుతుంటారు. వేస‌విలోనే కాకుండా వింట‌ర్‌లోనూ త‌ప్ప‌నిస‌రిగా స‌న్‌స్క్రీన్ లోష‌న్ వాడాల‌ని స్కిన్ ఎక్స్‌ప‌ర్ట్స్ చెబుతున్నారు.

SunScreen Lotion : సూర్య‌ర‌శ్మి నుంచి వెలువ‌డే హానికార‌క యూవీఏ, యూవీబీ కిర‌ణాల నుంచి చ‌ర్మాన్ని కాపాడుకునేందుకు స‌న్‌స్క్రీన్ లోష‌న్‌ను వాడుతుంటారు. వేస‌విలోనే కాకుండా వింట‌ర్‌లోనూ త‌ప్ప‌నిస‌రిగా స‌న్‌స్క్రీన్ లోష‌న్ వాడాల‌ని స్కిన్ ఎక్స్‌ప‌ర్ట్స్ చెబుతున్నారు. ఎండ‌కు ఎక్స్‌పోజ్ అయ్యే క్ర‌మంలో యూవీ కిర‌ణాల ప్ర‌భావం నుంచి ముఖ్యంగా వ‌య‌సుమీద ప‌డ‌టం వంటి లక్ష‌ణాల‌తో పాటు హానికార‌కాల నుంచి చ‌ర్మాన్ని కాపాడుకునేందుకు స‌న్‌స్క్రీన్ లోష‌న్ స‌మర్ధంగా ప‌నిచేస్తుంది.

ఇందులో ఉండే జింక్ ఆక్సైడ్‌, టైటానియం డైఆక్సైడ్‌, ఆక్సీబెంజోన్‌, ఆక్టినోక్సైట్‌, ఆక్టిస‌లేట్‌, అవొబెంజోన్ వంటి ప‌దార్ధాలు యూవీ కిర‌ణాల నుంచి చ‌ర్మాన్ని కాపాడుతుంటాయి. అయితే భానుడి భ‌గభ‌గ‌లు తీవ్రంగా ఉండే వేస‌విలోనే ఇవి చర్మానికి అవ‌స‌ర‌మ‌ని చాలా మంది భావిస్తుంటారు. వింట‌ర్‌లోనూ స‌న్‌స్క్రీన్ ప్రాధాన్య‌తను స్కిన్ ఎక్స్‌ప‌ర్ట్‌లు వివ‌రిస్తున్నారు. చ‌లికాలంలోనూ చ‌ర్మ క్యాన్స‌ర్ వంటి ప‌లు తీవ్ర వ్యాధుల‌కు దారితీసే యూవీఏ, యూవీబీ కిర‌ణాలు పంజా విసురుతాయ‌ని, ఈ రెండు హానికార‌క కిర‌ణాల నుంచి స‌న్‌స్క్రీన్‌, స‌న్‌బ్లాక్ లోష‌న్లు చ‌ర్మాన్ని కాపాడ‌తాయ‌ని చ‌ర్మ నిపుణులు సూచిస్తున్నారు.

వింట‌ర్‌లో స‌న్‌స్క్రీన్ వాడ‌కుంటే స్కిన్ క్యాన్స‌ర్ ముప్పు పెరుగుతుంద‌ని నిపుణులు హెచ్చ‌రిస్తున్నారు. వింట‌ర్‌లోనూ సూర్యుడి నుంచి వ‌చ్చే అల్ట్రా వ‌య‌లెట్ కిర‌ణాలు ప్ర‌మాద‌క‌ర‌మైన‌వ‌ని, ముఖ్యంగా ఓజోన్ పొర క్షీణిస్తున్న క్ర‌మంలో ప్ర‌మాద‌క‌ర కిర‌ణాలు చ‌ర్మాన్ని తాకే ప్ర‌మాదం అధిక‌మ‌ని చెబుతున్నారు. స‌న్‌స్క్రీన్ లోష‌న్ వాడ‌టం వ‌ల్ల ముందుగానే వ‌య‌సు మీరిన‌ట్టు క‌నిపించ‌డం, స్కిన్ క్యాన్స‌ర్ నుంచి కూడా త‌ప్పించుకోవ‌చ్చ‌ని ఆకాష్ హెల్త్‌కేర్‌కు చెందిన డెర్మ‌టాల‌జిస్ట్‌, కాస్మెటాల‌జిస్ట్ డాక్ట‌ర్ కాను వర్మ చెబుతున్నారు.

Read More :

Immunity Boosters | వంటింట్లో ఇన్ని దివ్యౌషధాలున్నాయా.. మీరూ ట్రై చేయండి!