Visit:
Alive Shots | షాట్స్‌ అంటే మద్యానికి సంబంధించిన గ్లాసులే గుర్తుకొస్తాయి. కానీ ఇప్పుడో సరికొత్త ట్రెండ్‌ మొదలైంది. అదే ఆలివ్‌ ఆయిల్‌ షాట్స్‌! ఓ రెండు టేబుల్‌ స్పూన్ల ఆలివ్‌ నూనెను గుటుక్కున మింగేయడమే. ప్రస్తుతం ఇది సోషల్‌ మీడియాలో వైరల్‌ అవుతున్నది. సాక్షాత్తు కర్దాషిన్‌, జెన్నిఫర్‌ లోపెజ్‌ మద్దతిస్తున్న ట్రెండ్‌. జెన్నిఫర్‌కు ఆలివ్‌ ఆయిల్‌ మీద ఎంత నమ్మకం అంటే… తన తరగని అందానికి రహస్యం బొటిక్స్‌, సర్జరీలు కాదు, ఆలివ్‌ ఆయిల్‌ సేవనమే అని చెబుతారు. నిజంగానే ఆలివ్‌ ఆయిల్‌తో చాలా ఉపయోగాలు ఉన్నాయని పోషకాహార నిపుణులు చెబుతున్నారు.
ఇందులో ఉండే పాలిఫినాల్స్‌, యాంటీ ఆక్సిడెంట్స్‌ చర్మ సంరక్షణకు దోహదం చేస్తాయట. గుండె నుంచి కాలేయం వరకు శరీరంలోని అన్ని అవయవాలకూ ఆలివ్‌ ఆయిల్‌ మేలు చేస్తుందనేది నిపుణుల మాట. భోజనానికీ భోజనానికీ మధ్య విరామంలో ఆలివ్‌ షాట్స్‌ తీసుకుంటే మంచిదని సూచిస్తున్నారు. దీనికోసం ఎలాంటి రసాయనాలూ కలవని వర్జిన్‌ ఆలివ్‌ ఆయిల్‌ని రెండు చెంచాలు వాడాలి. అయితే, ఇలా చేయడం అందరి శరీరాలకు పడకపోవచ్చనీ, వైద్యులను సంప్రదించిన తర్వాతే ఆలివ్‌ షాట్స్‌ తీసుకోవాలనీ నిపుణులు సూచిస్తున్నారు.
