Health Tips | స‌హ‌జ సిద్ధంగా చ‌ర్మం మెర‌వాలంటే..!

వ‌య‌సుతో ప‌నిలేకుండా ఎప్ప‌టికీ య‌వ్వ‌నంగా ఉండాల‌ని కోరుకోని వారు అరుదు. వ‌య‌సు మీద ప‌డటాన్ని (Health Tips) జాప్యం చేసేందుకు చాలామంది ప్ర‌య‌త్నిస్తుంటారు.

న్యూఢిల్లీ : వ‌య‌సుతో ప‌నిలేకుండా ఎప్ప‌టికీ య‌వ్వ‌నంగా ఉండాల‌ని కోరుకోని వారు అరుదు. వ‌య‌సు మీద ప‌డటాన్ని (Health Tips) జాప్యం చేసేందుకు చాలామంది ప్ర‌య‌త్నిస్తుంటారు. ఆరోగ్య‌క‌ర‌మైన మెరిసే చ‌ర్మం కోసం మార్కెట్‌లో ల‌భించే లోష‌న్లు, సీరం పూసేస్తుంటారు. అయితే ఈ ఉత్ప‌త్తులు అన్నీ డొల్లేన‌ని చెప్ప‌లేకున్నా స‌హ‌జ‌సిద్ధంగా చ‌ర్మం నిగారింపుతో ఉండేలా చూసుకోవ‌డం కీల‌క‌మ‌ని నిపుణులు సూచిస్తున్నారు. ఆరోగ్య‌క‌ర‌మైన ఆహారంతో చ‌ర్మం లోప‌ల‌నుంచి తాజాద‌నాన్ని సంత‌రించుకుని అందం, ఆరోగ్యాన్ని అందిస్తుంది.

డీటాక్స్‌తో పాటు వ‌యోభారాన్ని జాప్యం చేస్తూ చ‌ర్మంలో కొలాజెన్ ఉత్ప‌త్తిని ప్రేరేపించే ఆహార ప‌దార్ధాలు, పానీయాలు ఉన్నాయ‌ని వైద్య నిపుణులు చెబుతున్నారు. ఎముక‌లు, జాయింట్స్‌, బ్ల‌డ్‌, కండ‌రాలు, కార్టిలేజ్‌లో ఉండే కొలాజెన్ ఆరోగ్య‌వంతంగా క‌నిపించే చ‌ర్మానికి అత్య‌వ‌స‌ర‌మైన ప్రొటీన్ అని క‌న్స‌ల్టెంట్ న్యూట్రిష‌నిస్ట్ రూపాలి ద‌త్తా చెబుతున్నారు.

కొలాజెన్ చర్మం బిగుతుగా, బ‌లంగా ఉండేలా చేస్తుంది. వ‌యోభారం, ఇత‌ర కార‌ణాలతో కొలాజెన్ త‌గ్గ‌డంతో చ‌ర్మం బిగుతును కోల్పోయి చ‌ర్మంపై ముడ‌త‌లు ఏర్ప‌డ‌తాయి. ఇక చ‌ర్మంలో కొలాజెన్‌ను మెరుగుప‌రుచుకునేందుకూ రోజు స‌రిప‌డా నీళ్లు తాగ‌డంతో పాటు యాంటీఆక్సిడెంట్స్‌తో కూడిన ఆహారం తీసుకోవాల‌ని వైద్య నిపుణులు సూచిస్తున్నారు. విట‌మ‌న్ సీతో కూడిన ఆహార ప‌దార్ధాల‌ను అధికంగా తీసుకోవాలి. ప‌రిమితంగా మ‌ద్యం తీసుకోవ‌డంతో పాటు తాజా పండ్లు, కూర‌గాయ‌ల‌ను ఆహారంలో భాగం చేసుకోవాల‌ని వైద్య నిపుణులు సూచిస్తున్నారు.

Read More :

The Diary of a CEO | ఈ 14 సూత్రాలు పాటిస్తే మీ లైఫ్‌కి మీరే బాస్‌ అవ్వొచ్చు!