Health Tips | మైండ్ డైట్‌తో జీవ‌న‌శైలి వ్యాధుల‌కు చెక్‌

ఆధునిక జీవ‌న‌శైలితో వ్యాధుల ముప్పు పెరిగిపోతుండ‌టంతో పెద్ద‌సంఖ్య‌లో ప్ర‌జ‌లు త‌మ ఆరోగ్య అల‌వాట్ల‌ను (Health Tips) మార్చుకుంటూ క‌ఠిన ఆహార నియమాలు, డైట్ ప్లాన్‌ల‌ను అనుస‌రిస్తున్నారు.

న్యూఢిల్లీ : ఆధునిక జీవ‌న‌శైలితో వ్యాధుల ముప్పు పెరిగిపోతుండ‌టంతో పెద్ద‌సంఖ్య‌లో ప్ర‌జ‌లు త‌మ ఆరోగ్య అల‌వాట్ల‌ను (Health Tips) మార్చుకుంటూ క‌ఠిన ఆహార నియమాలు, డైట్ ప్లాన్‌ల‌ను అనుస‌రిస్తున్నారు. కీటో నుంచి డ్యాష్‌, మైండ్‌, మెడిటేర్రేనియ‌న్ వంటి ఎన్నో డైట్ ప్లాన్లు అందుబాటులో ఉన్నాయి. ఒక్కొక్క‌రి ఫిట్‌నెస్ ల‌క్ష్యాలు, ఆరోగ్య‌ప‌ర‌మైన అంశాల ఆధారంగా ఒక్కో డైట్ ప్లాన్ అనుస‌రించాల్సి ఉంటుంది. ప్ర‌తి డైట్ ప్లాన్‌కూ ప్ర‌యోజ‌నాల‌తో పాటు ప్ర‌తికూల‌త‌లూ ఉండ‌టంతో ప‌లువ‌రు త‌ర‌చూ త‌మ డైట్ ప్లాన్‌ల‌ను మార్చుతుంటారు.

ఇక హృద్రోగం నుంచి మ‌ధుమేహం, అధిక ర‌క్త‌పోటు వ‌ర‌కూ ప‌లు వ్యాధుల‌ను నివారించ‌డంతో పాటు నియంత్రించే శ‌క్తి క‌లిగిన డైట్‌గా మైండ్ డైట్ ప్రాచుర్యం పొందుతోంది. మెడిటెర్రేనియ‌న్‌, డ్యాష్ డైట్ల‌ను మేళ‌విస్తూ కొన్ని మార్పుల‌తో మైండ్ డైట్ ముందుకొచ్చింది. ఈ డైట్ ప్లాన్ ప్ర‌ధానంగా మొక్క‌ల ఆధారిత ఆహారంతో డిజైన్ చేయ‌బ‌డింది. ఈ డైట్‌లో జంతు సంబంధ ఆహారాన్ని ప‌రిమితం చేయ‌డం, సంతృప్త కొవ్వులు, అద‌న‌పు చ‌క్కెర‌ల‌తో కూడిన ఆహారానికి దూరంగా ఉండాలి. ఇక మైండ్ డైట్ ప్ర‌ధానంగా బ‌రువు త‌గ్గ‌డంపై కాకుండా గుండె ఆరోగ్యం, మ‌ధుమేహం, మెద‌డు ఆరోగ్యాన్ని మెరుగుప‌ర‌చ‌డంపై ఫోక‌స్ చేస్తుంది.

నిర్ధిష్ట క్యాన్స‌ర్ల నివార‌ణ‌కు మైండ్ డైట్ ఉప‌క‌రిస్తుంద‌ని నిపుణులు చెబుతున్నారు. మైండ్ డైట్‌లో మ‌నం తీసుకునే ఆహారం మితంగా ఉండటంపై ఫోక‌స్ పెట్టాల్సి ఉంటుంది. మైండ్ డైట్‌ను అనుస‌రించ‌డంతో శ‌రీరంలో వాపు ప్ర‌క్రియను నివారించ‌వ‌చ్చు. ఫైబ‌ర్‌, కాంప్లెక్స్ కార్బోహైడ్రేట్లు, విట‌మిన్లు, మిన‌ర‌ల్స్‌, పైటో కెమిక‌ల్స్‌, ఆరోగ్య‌క‌ర కొవ్వుల‌తో కూడిన ప్లాంట్ బేస్డ్ ఆహారంతో హృద్రోగాల ముప్పు త‌గ్గుతుంది. కొలెస్ట్రాల్ కూడా త‌గ్గ‌డంతో పాటు మ‌ధుమేహం, ఊబ‌కాయం, ర‌క్త‌పోటు వంటి స‌మ‌స్య‌లు అదుపులోకి వ‌స్తాయి.

Read More :

Rakhi Festival | రేపే రాఖీ పండుగ.. వినాయక చవితిపై కూడా క్లారిటీ ఇచ్చిన బ్రాహ్మణ సేవాసమితి