Adulterated Milk | మీరు తాగే పాలు స్వచ్ఛమైనవేనా? ఈ టెక్నిక్‌ ద్వారా ఈజీగా కనిపెట్టేయొచ్చు!

Adulterated Milk | ఈ రోజుల్లో కల్తీ పెరిగిపోయింది. ఈ మహమ్మారి కారణంగా ఏది కొనాలన్నా.. ఏది తినాలన్నా భయమేస్తోంది. సొమ్ములకు ఆశపడి కొందరైతే ఏకంగా అందరూ తాగే పాలను కూడా కల్తీ చేసేస్తున్నారు. యూరియా, హైడ్రోజన్‌ పెరాక్సైడ్‌ వంటి వాటితో కల్తీ పాలు తయారు చేసి ప్రజల జీవితాలతో చెలగాటం ఆడుకుంటున్నారు.

Adulterated Milk | ఈ రోజుల్లో కల్తీ పెరిగిపోయింది. ఈ మహమ్మారి కారణంగా ఏది కొనాలన్నా.. ఏది తినాలన్నా భయమేస్తోంది. సొమ్ములకు ఆశపడి కొందరైతే ఏకంగా అందరూ తాగే పాలను కూడా కల్తీ చేసేస్తున్నారు. యూరియా, హైడ్రోజన్‌ పెరాక్సైడ్‌ వంటి వాటితో కల్తీ పాలు తయారు చేసి ప్రజల జీవితాలతో చెలగాటం ఆడుకుంటున్నారు. దీంతో చాలామంది పాలు తాగాలంటే కూడా భయపడిపోతున్నారు. ఈ క్రమంలోనే మనం తాగే పాలు స్వచ్ఛమైనవేనా? కావా? వాటిని ఎలా గుర్తించాలో ఇప్పుడు తెలుసుకుందాం..

పాలను వేడి చేయడం ద్వారా అవి కల్తీ పాలా.. స్వచ్ఛమైన పాలా అనేది తెలుసుకోవచ్చని బెంగళూరు ఐఐఎస్‌సీ శాస్త్రవేత్తలు గుర్తించారు. పాలను వేడి చేసినప్పుడు అవి ఆవిరయ్యే తీరు ఆధారంగా వాటిలో ఎంతవరకు నీళ్లు లేదా యూరియా కలిసిందో తెలుసుకోవచ్చని పేర్కొన్నారు. అదెలా అంటే.. స్వచ్ఛమైన పాలను వేడి చేసినప్పుడు పాల మధ్యలో బుడగలా వస్తుంది. అక్కడే మరుగుతున్నట్లుగా కనిపిస్తుంది. అదే కల్తీ పాలను వేడి చేసినప్పుడు ఈ ప్రక్రియ స్థిరంగా ఉండదు. పాత్ర అంచుల వరకు పాలు మరుగుతాయి. పాలల్లో నీళ్లు ఎంత కలిపారన్నదాన్ని బట్టి ఇది మారుతూ ఉంటుంది. యూరియాతో కల్తీ అయ్యి ఉంటే ఆ పాలు ఆవిరి కావు. పాత్ర అంచుకు చుక్కల్లా అంటుకుంటుంది. పాలల్లో 30 శాతం కంటే ఎక్కువ నీరు కలిపినా.. 0.4 శాతం యూరియా కలిసినా ఈ విధానం ద్వారా గుర్తించవచ్చు.