క‌రోనా నుంచి కోలుకుని క‌స‌ర‌త్తులు చేస్తున్నారా..?

న్యూఢిల్లీ : క‌రోనా నుంచి కోలుకోగానే మునుప‌టి మాదిరిగా వెంట‌నే వ్యాయామం మొద‌లుపెట్టేవారు త‌గిన జాగ్ర‌త్త‌లు తీసుకోవాల‌ని నిపుణులు సూచిస్తున్నారు. కొవిడ్-19 నుంచి కోలుకుని నెగెటివ్ వ‌చ్చినా ఇన్ఫెక్ష‌న్ ప్ర‌భావంతో శ‌రీరంలోని కీల‌క అవ‌య‌వాలు దెబ్బ‌తిని కోలుకునేందుకు సుదీర్ఘ స‌మ‌యం ప‌డుతుంది.

కరోనా రోగులు కోలుకునే తీరు అంద‌రిలో ఒకేలా ఉండ‌దు. ఎలాంటి అనారోగ్య కార‌కాలు లేవ‌ని పూర్తిగా నిర్దారించుకుని వైద్యుల సూచ‌న‌లు తీసుకున్నాకే వ‌ర్క‌వుట్ల‌కు దిగాల‌ని నిపుణులు సూచిస్తున్నారు. దీర్ఘ‌కాలం అనంత‌రం వ్యాయామాన్ని తిరిగి ప్రారంభిస్తున్నందున ఒక్కసారిగా క‌స‌ర‌త్తుల వేగం పెంచ‌కుండా మెల్లిగా వ్యాయామంలో వేగం అందుకోవాలి. ముందుగా తేలిక‌పాటి, ఓ మోస్త‌రు వ్యాయామాల‌తో వ‌ర్క‌వుట్ రొటీన్ ప్రారంభించాలి. ఏమాత్రం అల‌స‌ట అనిపించినా వ్యాయామానికి బ్రేక్ ఇవ్వాలి.

క‌స‌ర‌త్తులతో స‌రిపెట్ట‌కుండా స‌మ‌తులాహారం తీసుకోవ‌డం కీల‌క‌మ‌ని గ్ర‌హించాలి. ప్రొటీన్, ఫైబ‌ర్ అధికంగా ఉన్న ఆహారంతో పాటు ఇత‌ర పోష‌కాలు అందేలా చూసుకోవాలి. క‌రోనా నెగెటివ్ ఫ‌లితం వ‌చ్చినా కొంద‌రిలో కొవిడ్ అనంత‌ర ల‌క్ష‌ణాలు దీర్ఘ‌కాలం వేధించే అవ‌కాశం ఉంది. అలాంటి వారు వ్యాయామంలో ఏమాత్రం అల‌స‌ట‌, నిస్స‌త్తువ ఆవ‌హించిన‌ట్టు అనిపించినా క‌స‌ర‌త్తుల‌కు విరామం ఇవ్వ‌డం మేలు. రిక‌వ‌రీ అనంత‌రం ఫిట్ నెస్ గోల్స్ వాస్త‌వికంగా ఉండేలా చూసుకోవాలి.