క‌రోనా టైంలో ఇమ్యూనిటీ పెర‌గాలా? దీన్ని తినండి

ఈ క‌రోనా టైంలో నీర‌సాన్ని త‌గ్గించి, ఇమ్యూనిటీ పెంచ‌డంలో కొబ్బ‌రి దోహ‌ద‌ప‌డుతుంది. ఇత‌ర వ్యాధుల నుంచి ర‌క్ష‌ణ‌ను అందిస్తుంది.

May 14, 2021 / 04:42 PM IST

క‌రోనా టైంలో ఇమ్యూనిటీ పెర‌గాలా? దీన్ని తినండి

ప్ర‌కృతి మ‌న‌కిచ్చిన గొప్ప బ‌హుమ‌తి కొబ్బ‌రి. దీంతో భార‌తీయుల‌కు విడ‌దీయ‌రాని అనుబంధం ఉంది. దేవుడికి నైవేద్యంగా స‌మ‌ర్పించే ఈ కొబ్బ‌రిలో బోలెడ‌న్ని పోష‌కాలు ఉన్నాయి. కొబ్బ‌రి నీళ్లు, కుడుక‌, కొబ్బ‌రి నూనె అన్నీ మ‌న ఆరోగ్యానికి మేలు చేస్తాయి. ముఖ్యంగా ఈ క‌రోనా టైంలో నీర‌సాన్ని త‌గ్గించి, ఇమ్యూనిటీ పెంచ‌డంలో ఇది దోహ‌ద‌ప‌డుతుంది. ఇత‌ర వ్యాధుల నుంచి ర‌క్ష‌ణ‌ను అందిస్తుంది. ఇంకా ఎన్నో ర‌కాలుగా ఆరోగ్యాన్ని అందిస్తుంది. మ‌రి అవేంటో చూద్దామా..

ఇమ్యూనిటీ పెంచుతుంది..

క‌రోనాతో పాటు ఏ ఇత‌ర వ్యాధి నుంచైనా ర‌క్ష‌ణ పొందాలంటే ఇమ్యూనిటీ చాలా అవ‌స‌రం. ఈ రోగ నిరోధ‌క శ‌క్తిని పెంపొందించ‌డంలో కొబ్బ‌రి ఎంత‌గానో స‌హాయ‌ప‌డుతుంది. కొబ్బ‌రిలో యాంటీ ఆక్సిడెంట్లు అధికంగా ఉంటాయి. ప్ర‌తిరోజు కొబ్బ‌రి నీళ్లు తాగ‌డం లేదా కొబ్బ‌రి ముక్క‌ల‌ను తిన‌డం వ‌ల్ల శ‌రీరానికి కావాల్సిన యాంటీ ఆక్సిడెంట్లు పుష్క‌లంగా అందుతాయి. దీనివ‌ల్ల రోగ‌నిరోధ‌క శ‌క్తి పెరుగుతుంది. దీంతో క‌రోనాతో పాటు ఇత‌ర వ్యాధుల నుంచి ర‌క్ష‌ణ పొంద‌వ‌చ్చు.

రక్తంలో చక్కెరస్థాయిని నియంత్రిస్తుంది..

కొబ్బరి రక్తంలో చక్కెర స్థాయిలను నియంత్రిస్తుంది. మధుమేహులకు ఎంతో ప్రయోజనకరంగా ఉంటుంది. కొబ్బరిలో కేలరీలు తక్కువగా ఉంటాయి. కొవ్వు, ఫైబర్ అధికంగా ఉంటాయి. ఇది రక్తంలోకి చక్కెర విడుదలను మందగించడానికి సహాయపడుతుంది.

జుట్టుకు పోషణనిస్తుంది..

కొబ్బరి నూనె జుట్టుకు పోషణనిస్తుంది. అందుకే దీనిని హెయిర్‌ ఆయిల్‌గా విస్తృతంగా వాడుతారు. కొబ్బరి నూనె పొడి, కఠినమైన జుట్టు, చుండ్రు, జుట్టు రాలడం లాంటి సమస్యలను పరిష్కరించడంలో సహాయపడుతుంది.

చర్మరక్షణకు తోడ్పడుతుండి..

చర్మరక్షణకు కొబ్బరి తోడ్పడుతుంది. చర్మ సమస్యలకు ఇంట్లో పెద్దవారు కొబ్బరినూనెనే ఎక్కువగా వాడుతారు. దోమ కాటుకు గురైనప్పుడు, ఇతర గాయాలు తగినప్పుడు ఇంట్లో మొదట కొబ్బరి నూనెనే రాస్తారు. ఇది చర్మంపై గీతలు, గడ్డలు, మచ్చలు, గాయాలను మాన్పేందుకు ఉపయోగపడుతుంది.

పచ్చి కొబ్బరితో వంటకు రుచి..

పచ్చి కొబ్బరిని వంటలలో ఉపయోగిస్తారు. చాలా కూరల్లో దీన్ని తురిమి వేస్తుంటారు. ఇది కూరకు అదనపు రుచిని తీసుకొస్తుంది. ఇందులో ఆరోగ్యకరమైన కొవ్వులతోపాటు పోషకాలుంటాయి. కనుక ప్రతిఒక్కరూ తప్పక తినాల్సిన పదార్థం. దీనిని కూరలతోపాటు స్వీట్లలోనూ ఉపయోగిస్తారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి