మనం చూడని కొత్తరకం అరటిపండు

భలేగుంది కదా ఈ అరటిపండు బ్లూ కలర్‌ లో. చూడగానే తినేయాలనిపిస్తోంది కదా. అయితే మన ఇండియాలో ఇవి దొరకడం కష్టం. ఎందుకంటే ఈ అరటిపండు చల్లదనం, తక్కువ ఉష్ణోగ్రతలు  ఉన్న ప్రాంతాల్లో పండుతుంది.

 ఎక్కువగా దీన్ని ఆగ్నేయాసియాలో సాగు చేస్తారు. హవాయి దీవులలో, దక్షిణ అమెరికాలో కూడా ఈ రకం అరటి తోటలు ఉన్నాయి. ఈ బ్లూ అరటి పండు రుచి వెనిలా ఐస్ క్రీమ్ లాగా ఉంటుందట .

 వీటిని బ్లూ జావా ,కెర్రీ, హవాయి అరటి, ఐస్ క్రీమ్ అరటి అని కూడా పిలుస్తారు. ఇది 7 అంగుళాల పొడవు ఉంటుంది. ఈ బ్లూ అరటి పండ్లతో ఎన్నో ఆరోగ్య ప్రయోజనాలున్నా జలుబు, దగ్గు ఉన్నవారు ఈ అరటిపండుని తినకపోవడం మంచిదంటున్నారు నిపుణులు. ఇది తింటే శరీరంలోని వేడి తగ్గుతుంది. ఫలితంగా మనకు దగ్గు, జలుబు పెరుగుతాయి.