గోల్నాక : రహదారులకు ఇరువైపుల నాటిన మొక్కలను సంరక్షించి ఆహ్లదక వాతావరణాన్ని సృష్టించుకోవాలని అంబర్ పేట ఎమ్మెల్యే కాలేరు వెంకటేశ్ తెలిపారు. మంగళవారం అంబర్పేట ప్రధాన రహదారి ట్రాఫిక్ పోలీస్ స్టేషన్ నుంచి సీపీ ఎల్ లకోటియా పాఠశాల వరకు స్థానిక కార్పొరేటర్ ఇ.విజయ్కుమార్గౌడ్తో పాటు హర్టికల్చర్ విభాగం అధికారులతో కల సి రహదారులకు ఇరువైపులా ఇటీవల నాటిన మొక్కల పెంపకం పురోగతిని ఆయన పరిశీలించి సంతృప్తి వ్యక్తం చేశారు.
ఏపుగా పెరిగిన పిచ్చి మొక్కలను వెంటనే తొలగించాలని ఆయన అధికారులను ఆదేశించారు. నాటిన ప్రతి మొక్కను సంరక్షించాలని ఆయన సూచించారు. ఈ కార్యక్రమంలో అంబర్పేట డివిజన్ టీఆర్ఎస్ అధ్యక్షుడు సిద్ధార్థ్ ముదిరాజ్తో పాటు పలువురు నాయకులు పాల్గొన్నారు.
రేణుకా ఎల్లమ్మ ఆలయ అభివృద్ధికి కాలేరు చేయూత
తిరుమలనగర్ రేణుకా ఎల్లమ్మ ఆలయ అభివృద్ధికి ఎమ్మెల్యే కాలేరు వెంకటేశ్ ఆర్థికసాయం చేశారు. మంగళవారం ఆయన తన సతీమణి,మాజీ కార్పొరేటర్ కాలేరు పద్మతో కలసి తిరుమలనగర్ రేణుకాఎల్లమ్మ తల్లిని దర్శించుకున్నారు.
అనంతరం ఆలయ కమిటీ సభ్యులు ఆలయ అభివృద్ధి కోసం సాయం చేయాలని కోరగా వెంటనే స్పందించిన ఎమ్మెల్యే రూ.50వేల నగదును కమిటీ సభ్యులకు అందజేశారు. అమ్మవారి ఆలయ అభివృద్ధికి తన వంతు కృషి చేస్తానని ఆయన హామీ ఇచ్చారు.