osmania university | ఉస్మానియా విద్యా స‌మాచారం

వివిధ పరీక్షా ఫలితాల విడుదల
ఉస్మానియా యూనివర్సిటీ : ఉస్మానియా యూనివర్సిటీ పరిధిలోని వివిధ కోర్సుల పరీక్షా ఫలితాలను విడుదల చేసినట్లు ఓయూ కంట్రోలర్‌ ఆఫ్‌ ది ఎగ్జామినేషన్స్​‍ ప్రొఫెసర్‌ శ్రీరాం వెంకటేశ్‌ ఒక ప్రకటనలో తెలిపారు. బీఈ (సీబీసీఎస్) మొదటి సెమిస్టర్‌ మెయిన్‌ పరీక్షలతో పాటు ఎనిమిదో సెమిస్టర్‌ రివాల్యుయేషన్‌ ఫలితాలను వెల్లడించినట్లు చెప్పారు. ఈ పరీక్షా ఫలితాలను ఓయూ వెబ్‌సైట్‌ http://www.osmania.ac.in అందుబాటులో ఉంచినట్లు పేర్కొన్నారు.

ఎంబీఏ పరీక్షా జవాబు పత్రాల ఫొటోకాపీ పొందేందుకు దరఖాస్తుల స్వీకరణ

ఉస్మానియా యూనివర్సిటీ పరిధిలోని ఎంబీఏ పరీక్షా జవాబు పత్రాల ఫొటోకాపీ పొందేందుకు దరఖాస్తు చేసుకోవచ్చని ఓయూ కంట్రోలర్‌ ఆఫ్‌ ది ఎగ్జామినేషన్స్​‍ ప్రొఫెసర్‌ శ్రీరాం వెంకటేశ్‌ ఒక ప్రకటనలో తెలిపారు. ఎంబీఏ అన్ని సెమిస్టర్ల పరీక్షా ఫలితాలను బుధవారం విడుదల చేశామని చెప్పారు. తమ జవాబు పత్రాల నకలు పొందగోరే వారు ఈ నెల 29వ తేదీ వరకు సంబంధిత రుసుము చెల్లించి, తమ కార్యాలయంలో దరఖాస్తు చేసుకోవాలని సూచించారు. ఇతర వివరాలకు ఓయూ వెబ్‌సైట్‌ http://www.osmania.ac.in చూసుకోవాలని పేర్కొన్నారు.

అన్ని పీజీ కోర్సుల పరీక్షా తేదీల ఖరారు

ఉస్మానియా యూనివర్సిటీ పరిధిలోని అన్ని పీజీ కోర్సుల పరీక్షా తేదీలను ఖరారు చేసినట్లు ఓయూ కంట్రోలర్‌ ఆఫ్‌ ది ఎగ్జామినేషన్స్​‍ ప్రొఫెసర్‌ శ్రీరాం వెంకటేశ్‌ ఒక ప్రకటనలో తెలిపారు. ఎంఏ, ఎంకామ్‌, ఎమ్మెస్డబ్ల్యూ, ఎమ్మెస్సీ, ఎంఎల్‌ఐఎస్సీ, ఎంజేఅండ్‌ఎంసీ తదితర పీజీ కోర్సులతో పాటు ఐదేళ్ల ఎమ్మెస్సీ కెమిస్ట్రీ ఇంటిగ్రేటెడ్‌ కోర్సు తదితర కోర్సుల మొదటి సెమిస్టర్‌ రెగ్యులర్‌ పరీక్షలను ఈ నెల 14వ తేదీ నుంచి నిర్వహించనున్నట్లు చెప్పారు. పరీక్షా తేదీల పూర్తి వివరాలను ఓయూ వెబ్‌సైట్‌ http://www.osmania.ac.in చూసుకోవచ్చన్నారు.