కాచిగూడ : సంపూర్ణ ఆరోగ్యంతో అందరికీ ఆదర్శంగా నిలుస్తున్న శతాధిక వృద్ధుడు హరిలాల్ పహిల్వాన్ (104) ను స్థానిక ఎమ్మెల్యే సత్కరించారు. కాచిగూడ డివిజన్లోని చెప్పల్బజార్ ప్రాంతానికి చెందిన హరిలాల్ పహిల్వాన్ 104 ఏండ్ల వయస్సులోనూ ఆరోగ్యంగా ఉండడం ఆనందకరమని ఎమ్మెల్యే కాలేరు వెంకటేశ్ అన్నారు.
ఈ సందర్భంగా ఆయనను ఘనంగా సన్మానించారు. అనంతరం ఎమ్మెల్యే విలేకరులతో మాట్లాడుతూ కరోనా వైరస్ను కట్టడి చేయడానికి ప్రతి ఒక్కరూ మాస్క్లు ధరించాలని కోరారు.15 నుంచి 18 సంవత్సరాల యువతి,యువకులు తప్పనిసరిగా వ్యాక్సిన్ను వేసుకోవాలని ఆయన విజ్ఞప్తి చేశారు.
ప్రజలందరూ అరోగ్యంపట్ల ప్రత్యేక దృష్టి సారించాలని ఆయన పేర్కొన్నారు. ఈ కార్యక్రమంలో ఎర భీష్మాదేవ్, బండసూరి, దిడ్డి రాంబాబు, సునీల్బిడ్లాన్, కె.సదానంద్, నాగేందర్బాబ్జి, బి.కృష్టాగౌడ్, బబ్లూ, నర్సింహ్మరెడ్డి, సాయిబాబా, రాజేశ్,బాబు తదితరులు పాల్గొన్నారు.