Sexual assault | పార్సీగుట్టలోబాలుడిపై లైంగికదాడి

సికింద్రాబాద్ : మానవమృగాలు రెచ్చిపోతున్నారు. అభం, శుభం తెలియని పసిపాపల నుంచి బాలురను సైతం కామ వాంఛతో చూస్తున్నారు. సభ్య సమాజం తలదించుకునేలా కొంతమంది మృగాళ్లు వికృత చేష్టలకు తెగబడుతున్నారు.

ఈ క్రమంలోనే చిలకలగూడ పోలీస్ స్టేషన్‌ పరిధిలోని పార్శిగుట్ట రాఘవ గార్డెన్స్​‍ సమీపంలో బాలుడిపై లైంగికదాడి జరిగిన ఘటన గురువారం వెలుగులోకి వచ్చింది. రాఘవ గార్డెన్స్​‍ సమీపంలో నివాసముండే తెల్ల రామేశ్వర్‌రావుకు కుమారుడు (మైనర్‌ బాలుడు) ఉన్నాడు.

ఇంటి ముందర బాలుడు ఆడుకుంటున్న సమయంలో పార్శిగుట్టలోని ఓ ప్రైవేట్‌ కార్యాలయంలో ఆఫీస్ బాయ్‌గా పనిచేస్తున్న గుళ్ల సతీష్ (23) మాయ మాటలు చెప్పి రాఘవ గార్డెన్స్​‍ సమీపంలోకి తీసుకెళ్లి లైంగిక దాడికి యత్నించాడు.

సదరు విషయాన్ని బాలుడు. తండ్రికి తెలియజేయడంతో పోలీసులకు ఫిర్యాదు చేశాడు. దీంతో రంగంలోకి దిగిన చిలకలగూడ పోలీసులు విచారణ చేపట్టి గుళ్ల సతీష్‌పై కేసు నమోదు చేసి దర్యాప్తు చేస్తున్నారు.