TTD Calendars | టీటీడీ డైరీలు, క్యాలెండర్లకు భ‌క్తుల నుంచి విశేష స్పంద‌న‌

TTD Calendars | టీటీడీ ముద్రించిన 2026 సంవత్సర క్యాలెండర్లు , డైరీలకు దేశ విదేశాలలోని శ్రీ‌వారి భ‌క్తుల నుంచి విశేష స్పంద‌న వ‌స్తోంది.

తిరుమల : టీటీడీ ముద్రించిన 2026 సంవత్సర క్యాలెండర్లు (TTD Calendars ) , డైరీలకు ( Diaries ) దేశ విదేశాలలోని శ్రీ‌వారి భ‌క్తుల నుంచి విశేష స్పంద‌న వ‌స్తోంది. శ్రీవారి భక్తుల సౌకర్యార్థం టీటీడీ 2026 సంవత్సరం 12 పేజీల క్యాలెండర్లు 13 లక్షలు ముద్రించగా, 6 పేజీల క్యాలెండర్లు 75 వేలు ముద్రించగా, పెద్ద డైరీలు 8.50 లక్షలు, చిన్నడైరీలు 3 లక్షలు ముద్రించామని ఆలయ అధికారులు వివరించారు.

టేబుల్‌ టాప్‌ క్యాలెండర్లు 1.50 లక్షలు, శ్రీవారి పెద్ద క్యాలెండర్లు 2.50 లక్షలు, శ్రీ పద్మావతి అమ్మవారి పెద్ద క్యాలెండర్లు 10 వేలు, శ్రీవారు, శ్రీపద్మావతి అమ్మవారి క్యాలెండర్లు 3 లక్షలు ప్రింట్‌ చేయించామని వివరించారు. టీటీడీ స్థానిక ఆల‌యాల క్యాలెండర్లు 10 వేలు అత్యంత ఆకర్షణీయంగా ముద్రించి అందుబాటులో ఉంచామన్నారు.

ధరలు ఇలా
12 పేజీల క్యాలెండర్ రూ.130 లు
డీలక్స్ డైరీ రూ.150 లు,
చిన్న డైరీ రూ.120 లు,
టేబుల్‌ టాప్‌ క్యాలెండర్ రూ.75 లు,
6 పేజీల 3డి డిజిట‌ల్‌ క్యాలెండర్ రూ.450 లు,
శ్రీవారి పెద్ద క్యాలెండర్ రూ.20 లు,
శ్రీ పద్మావతి అమ్మవారి క్యాలెండర్ రూ.20 లు,
శ్రీవారు, శ్రీపద్మావతి అమ్మవారి క్యాలెండర్ రూ.15 లు,
తెలుగు పంచాంగం క్యాలెండర్ రూ.30 లు,
టీటీడీ స్థానిక ఆల‌యాల క్యాలెండర్లు రూ.130 లకు విక్రయిస్తున్నట్లు పేర్కొన్నారు.

తిరుమ‌ల, తిరుప‌తిలో..
తిరుమల, తిరుపతిలోని టీటీడీ పరిపాలనా భవనం ఎదురుగా సేల్స్ సెంటర్,గోవిందరాజ స్వామివారి ఆలయం సమీపంలోని ధ్యానమందిరం, శ్రీనివాసం, విష్ణునివాసం ప్రాంతాల్లోనూ, తిరుచానూరులో ఉన్న టీటడీ పబ్లికేషన్ స్టాల్స్‌లలో అందుబాటులో ఉన్నాయని తెలిపారు.

బ‌య‌టి ప్రాంతాల్లో..
చెన్నైలోని శ్రీ వేంకటేశ్వరస్వామి, శ్రీ పద్మావతి అమ్మవారి ఆలయాలు, హైదరాబాద్, బెంగళూరు, విజయవాడ, వైజాగ్‌లోని శ్రీ‌వారి ఆల‌యాలు, ముంబ‌యి, న్యూఢిల్లీ, వేలూరు, కాంచీపురంలోని సమాచార కేంద్రాలు, నెల్లూరు, రాజమండ్రి, కాకినాడ, కర్నూలులోని టీటీడీ కల్యాణమండపాల్లో క్యాలెండర్లు, డైరీలను విక్రయిస్తున్నామని తెలిపారు. ఒంటిమిట్టలోని శ్రీ కోదండరామస్వామివారి ఆలయం, దేవుని కడపలోని శ్రీ లక్ష్మీ వేంకటేశ్వర స్వామివారి ఆలయాలతో పాటు టీటీడీ అనుబంధ ఆల‌యాల్లో భ‌క్తుల‌ కోసం డైరీలు, క్యాలెండర్లు సిద్ధంగా ఉంచామని తెలిపారు.

ఆన్‌లైన్‌లో బుక్ చేసుకోవచ్చు
డైరీలు, క్యాలెండర్లు టీటీడీ వెబ్ సైట్ ద్వారా ఆన్ లైన్‌లో భక్తులకు విక్రయిస్తోందన్నారు. www.tirumala.org, ttdevasthanams.ap.gov.in ఆన్ లైన్‌లో బుక్ చేసుకున్న భ‌క్తుల‌కు తపాలా శాఖ ద్వారా పంపిస్తామని పేర్కొన్నారు.

డీడీ తీసి పంపొచ్చు
భక్తులు డీడీ తీసి పంపినా టీటీడీ క్యాలెండర్‌, డైరీలను పొందవచ్చన్నారు. ఇందుకోసం ‘కార్యనిర్వహణాధికారి, టీటీడీ, తిరుపతి ’ పేరిట ఏదైనా జాతీయ బ్యాంకులో డీడీ తీసి కవరింగ్‌ లెటర్‌తో కలిపి ది డెప్యూటీ ఈవో, పుస్తక ప్రచురణల విక్రయ విభాగం, ప్రెస్‌ కాంపౌండ్‌, కెటి.రోడ్‌, తిరుపతి’ అనే చిరునామాకు పంపాల్సి ఉంటుందన్నారు. రవాణా ఛార్జీలను అదనంగా తపాలా శాఖకు చెల్లించాల్సి ఉంటుందని వెల్లడించారు. క్యాలెండర్‌, డైరీలకు సంబంధించిన ఇతర సమాచారం కోసం 0877-2264209 నంబర్లలో సంప్రదించవచ్చని టీటీడీ అధికారులు స్పష్టం చేశారు.