మనలోనే గురువు

మన జీవితంలో విజ్ఞానం ఎలాంటి పాత్ర పోషిస్తుందో అర్థం చేసుకోవడానికి చేసే ప్రయత్నమే గురుపౌర్ణమి ఉత్సవం. నిత్య జీవితంలో విజ్ఞానాన్ని ఎంతవరకూ వాడుకుంటున్నాం? ఇంకా జీవనంలో ఏ ఏ పార్శాలు విజ్ఞానానికి దూరంగా ఉన్నాయో తెలుసుకునే అవకాశం కల్పిస్తుంది ఈ పర్వదినం. మేధో మథనం చేసినప్పుడు మన వైఫల్యాలు కనిపిస్తాయి. నిజానికి అవి వైఫల్యాలు కావు, విజయానికి బాటలు మాత్రమే.

మన జీవితంలో విజ్ఞానం ఎలాంటి పాత్ర పోషిస్తుందో అర్థం చేసుకోవడానికి చేసే ప్రయత్నమే గురుపౌర్ణమి ఉత్సవం. నిత్య జీవితంలో విజ్ఞానాన్ని ఎంతవరకూ వాడుకుంటున్నాం? ఇంకా జీవనంలో ఏ ఏ పార్శాలు విజ్ఞానానికి దూరంగా ఉన్నాయో తెలుసుకునే అవకాశం కల్పిస్తుంది ఈ పర్వదినం. మేధో మథనం చేసినప్పుడు మన వైఫల్యాలు కనిపిస్తాయి. నిజానికి అవి వైఫల్యాలు కావు, విజయానికి బాటలు మాత్రమే. అసలు విజయం కూడా ఒక ఆలోచన మాత్రమే! విజయం కన్నా ఉన్నతమైనది జీవితం. కేవలం విజయం వల్ల మాత్రమే ఆనందంగా ఉంటామనే వైఖరి పరిమితులను కలగజేస్తుంది.

జీవితం కొన్నిసార్లు సంక్లిష్టంగా కనిపిస్తుంది. ఆనందం, బాధ, దయ, కండూతి, ఉద్వేగం లాంటి ఎన్నో భావాలు జీవితంలో కనిపిస్తాయి. ఎన్నో పరస్పర విరుద్ధ భావనలు ఉండటం వల్ల మనసు అన్ని విషయాలను సంభాలించలేకపోతుంది. ఇలాంటి సమయంలోనే విజ్ఞానాన్ని ఆసరాగా చేసుకోవాలి. ఆ విజ్ఞానమే గురువు. వేరే వాళ్లకు సలహాలు చాలా సులభంగా ఇస్తాం, అదే మన దాకా వస్తే తడబడతాం. ఎందుకంటే మనం విపత్కర పరిస్థితుల్లో లేనప్పుడు విజ్ఞానం మనకు సులభంగా గుర్తుకువస్తుంది. ఎలాంటి విపత్కర పరిస్థితులకూ చలించని వ్యక్తి గురువు. ఏ విధమైన గందరగోళ పరిస్థితుల్లోనూ స్థిరంగా ఉంటూ, వాటితో తనకు సంబంధం లేనట్టుగా ఉండే మహోన్నత వ్యక్తి గురువు. ఒక రకంగా చెప్పాలంటే గురువు సర్క్యూట్‌ బ్రేకర్‌ లాంటివాడు. మనం జీవితాన్ని సముదాయించుకోలేని స్థితిలో ఉన్నప్పుడు గురువు మనకు సాయపడతాడు. తీరని వ్యథ బాధపెడుతుంటే కాపాడుతాడు. ఎవరైనా చిరునవ్వుతో, ఆత్మవిశ్వాసంతో పనిచేస్తూ ఉన్నాడంటే అతనికి గురువు మార్గనిర్దేశనం ఉన్నదని గుర్తించవచ్చు.

గురువు ఒక తత్వం, మనలోని ఒక లక్షణం. అదొక రూపమో, శరీరమో కాదు. మనం వద్దనుకున్నా.. గురువు మన జీవితంలోకి వస్తాడు. గురు సిద్ధాంతం జీవితంలో ఎంతో ముఖ్యమైనది! ప్రతి మనిషిలోనూ ఎంతోకొంత గురుతత్వం ఉంటుంది. ఈ విజ్ఞానాన్ని జాగృత పరచినప్పుడు దుఃఖం, బాధ మనలో ఉండవు. ఆ గురుతత్వం మేల్కొన్నప్పుడు విజ్ఞానం మన జీవితంలోకి వస్తుంది. మనకు ఎలాంటి కోరికలు లేనప్పుడు గురుతత్వం సాకారమవుతుంది. చేతనంగా ఉండి ప్రతీ క్షణం మారుతున్న మన జీవితాన్ని గమనించాలి. మనకు దక్కినవాటితో సంతోషంగా ఉండాలి.

…? గురుదేవ్‌ శ్రీశ్రీ రవిశంకర్‌, ఆర్ట్‌ ఆఫ్‌ లివింగ్‌