ACB Raid | రూ. 40 వేలు లంచం తీసుకుంటూ ఏసీబీకి పట్టుబడ్డ ఎస్సై

ACB Raid | ఆదిలాబాద్‌ జిల్లా బజార్‌హత్నూర్ ఎస్సై రమేష్ లంచం తీసుకుంటూ ఏసీబీ కి పట్టుబడ్డారు.

ఆదిలాబాద్ : ఆదిలాబాద్‌ జిల్లా బజార్‌హత్నూర్ ఎస్సై రమేష్ ( SI Ramesh ) లంచం ( Bribe ) తీసుకుంటూ ఏసీబీ ( ACB ) కి పట్టుబడ్డారు. ఇటీవల జరిగిన యువతి ఆత్మహత్య కేసులో నిందితులను తప్పించడానికి లంచం డిమాండ్ చేయడంతో ఫిర్యాదుదారులు ఏసీబీని ఆశ్రయించారు.

బుధవారం గ్రామ పరిసర ప్రాంతంలో నిర్మాణంలో ఉన్న పెట్రోల్‌ బంక్‌ వద్ద సెంటరింగ్ బాక్స్ కింద రూ.40 వేలు లంచం డబ్బు పెట్టాలని సూచించిన మేరకు ఫిర్యాదుదారుడు నగదును ఉంచాడు. ఎస్సై ఆ నగదును తీసుకుంటుండగా ఏసీబీ అధికారులు ఎస్సైని రెడ్‌ హ్యండెడ్‌గా పట్టుకున్నారు. అతడిపై కేసు నమోదు చేసి కరీంనగర్‌లో ఏసీబీ కోర్టులో హాజరుపరిచామని ఏసీబీ ఉన్నతాధికారులు తెలిపారు.