Fire Accident | విశాఖ ఫిషింగ్ హార్బ‌ర్‌లో అగ్ని ప్ర‌మాదం.. ప్రాణ న‌ష్టం లేద‌న్న అధికారులు !

Fire Accident | విశాఖపట్నంలోని ఫిషింగ్ హార్బర్ లో గురువారం అగ్ని ప్రమాదం చోటు చేసుకున్నది.

Fire Accident | ఆంధ్ర‌ప్ర‌దేశ్‌లోని విశాఖ‌ప‌ట్నం న‌గ‌ర ప‌రిధిలో ఫిషింగ్ హార్బ‌ర్‌లో గురువారం అగ్నిప్ర‌మాదం జ‌రిగింది. హార్బ‌ర్‌లోని గాంధీ విగ్ర‌హం ద‌గ్గ‌ర మంట‌లు ఎగ‌సి ప‌డ్డాయి. ఈ ప్ర‌మాదం సంగ‌తి తెలియ‌గానే అగ్ని మాప‌క ద‌ళ సిబ్బంది ఫైరింజ‌న్ల‌తో ఘ‌ట‌నా స్థ‌లానికి చేరుకున్నారు. మంట‌లు ఆర్పివేశారు.

అయితే, ఎటువంటి ప్రాణ‌న‌ష్టం చోటు చేసుకోలేద‌ని అధికారులు చెప్పారు. ఇటీవ‌ల జ‌రిగిన ఫిషింగ్ హార్బ‌ర్‌లో జ‌రిగిన అగ్ని ప్ర‌మాదంలో 40 పై చిలుకు ప‌డ‌వలు ద‌గ్ధ‌మ‌య్యాయి. ఈ ఘ‌ట‌న మ‌రిచిపోక ముందే మ‌రో ప్ర‌మాదం జ‌రిగింది.