న్యూఢిల్లీ : అతివేగం కారణంగా బీఎండబ్ల్యూ స్పోర్ట్స్ కారు అదుపు తప్పి శనివారం ఉదయం గ్రేటర్ నోయిడా యమున ఎక్స్ప్రెస్ వే నుంచి పడిపోవడంతో డ్రైవర్ (20) మరణించాడు. ఈ ఘటనలో మరో వ్యక్తికి గాయాలయ్యాయి. దనకూర్ ప్రాంతంలోని గల్గోటియ యూనివర్సిటీ వద్ద ఈ దుర్ఘటన జరిగింది.
మితిమీరిన వేగంతో దూసుకెళ్లిన కారు అదుపు తప్పడంతో ఎక్స్ప్రెస్ వే నుంచి 20 అడుగుల కిందకు పడిపోవడంతో డ్రైవర్ ఘటనా స్ధలంలోనే మరణించగా మరో వ్యక్తి తీవ్రంగా గాయపడ్డాడు. భరత్ అతడి ఫ్రెండ్ గౌవర్ హర్యానా నుంచి ఆగ్రా వైపు యమునా ఎక్స్ప్రెస్వే మీదుగా వెళుతుండగా ఉదయం 8.30 గంటలకు ఈ ఘటన జరిగింది. ప్రమాదంలో గాయపడిన గౌరవ్ కైలాష్ ఆస్పత్రిలో చికిత్స పొందుతున్నాడని పోలీసులు తెలిపారు. కేసు నమోదు చేసిన పోలీసులు తదుపరి దర్యాప్తు ముమ్మరం చేశారు.