Warangal | లైంగికదాడి కేసులో 10 సంవత్సరాల జైలు శిక్ష

లైంగికదాడి కేసు | బాలికను పెండ్లి చేసుకుంటానని నమ్మించి శారీరక సంబంధం కూడా ఏర్పరచుకొని చివరకు ముఖం చాటేసిన వ్యక్తికి 10 సంవత్సరాల జైలు శిక్ష, వేయి రూపాయల జరిమానా విదిస్తూ న్యాయస్థానం తీర్పు వెలువరించింది.

వరంగల్ లీగల్ : బాలికను పెండ్లి చేసుకుంటానని నమ్మించి శారీరక సంబంధం కూడా ఏర్పరచుకొని చివరకు ముఖం చాటేసిన వ్యక్తికి 10 సంవత్సరాల జైలు శిక్ష, వేయి రూపాయల జరిమానా విదిస్తూ న్యాయస్థానం తీర్పు వెలువరించింది.

ఈ కేసులో బాధితురాలి పక్షాన వాదించిన పబ్లిక్ ప్రాసిక్యూటర్ చెరుకు సత్య నారాయణ కథనం ప్రకారం.. వరంగల్ జిల్లా శాయంపేట మండలం పెద్దకోడెపాక గ్రామానికి చెందిన బాలిక వారి బంధువుల వివాహ సమయంలో నిందితునితో పరిచయం ఏర్పడుతుంది.

మందమర్రి పట్టణానికి చెందిన మాటూరి సుమన్ అనే నిందితుడు పరిచయాన్ని కాస్త ప్రేమగా మార్చి,పెండ్లి చేసుకుంటానని నమ్మించి ఆమెతో శారీరక సంబంధం ఏర్పరచుకున్నాడు.
కొద్దిరోజుల తర్వాత మొఖం చాటేసి బాలికను మోసం చేయడంతో బాధితురాలి ఫిర్యాదు మేరకు నిందితుడిపై హన్మకొండ స్టేషన్‌లో కేసు నమోదు చేశామన్నారు.

సాక్ష్యాధారాలను పరిశీలించిన నాలుగో అదనపు జిల్లా స్థాయి న్యాయస్థానం నిందితుడు ఉద్దేశపూర్వకంగా నేరం చేశాడని భావించి 10 సంవత్సరాల జైలు శిక్ష విధిస్తూ మంగళవారం తీర్పు వెలువరించింది.